एमालेकी सांसद बिमला वली आफ्नो पार्टीमा प्रवेश गरेको दाबी नेकपा माओवादी केन्द्रले गरेको छ । 

लुुम्बिनी प्रदेश सरकारका पूर्व सामाजिक विकास मन्त्री तथा माओवादी सांसद सुुदर्शन बरालले दाङबाट निर्वाचित बिमला वली माओवादी केन्द्रमा प्रवेश गरेको जानकारी दिए ।

उनले लोकान्तरसँग भने, ‘उहाँ स्वतन्त्र सांसद हो । उहाँले नेकपाबाट निर्वाचन जित्नुभएको हो । उहाँले अहिले माओवादी रोज्नुुभयो ।’

बरालले लुुम्बिनी प्रदेश सभामा एमालेको एकल बहुुमत नरहेको दाबी गरे ।

आइतवार नै राजीनामा दिएका मुख्यमन्त्री शंकर पोखरेलले एकल बहुमतको सरकार बनाउने तयारी गरिरहेका बेला घटनाक्रममा नयाँ ट्विस्ट देखा परेको हो ।

एमालेले आफूहरूसँग ४१ सांसद रहेकाले सरकार बनाउन प्रदेश प्रमुखसमक्ष दाबी पेश गरिसकेको छ । जसपाका ४ सांसद पदमुक्त भएको अवस्थामा लुम्बिनीमा सरकार बनाउन ४१ सांसदको समर्थन आवश्यक पर्छ ।

यदि वली माओवादीमा प्रवेश गरेमा वा उनले एमाले दल त्याग गरेमा एकल बहुमतको सरकार बन्न असम्भव हुनेछ ।

वली दाङ क्षेत्र नम्बर ३ (ख) बाट उपचुुनाव निर्वाचित भएकी थिइन् ।

उनका श्रीमान उत्तरकुमार वलीको सडक दुुर्घटनामा परी मृत्युु भएपछि उपचुुनाव भएको थियो ।

माओवादीको दाबीबारे बुझ्न फोन गर्दा वलीसँग सम्पर्क हुन सकेन ।

माओवादी सांसद आईपी खरेलले पनि बिमला वलीले माओवादी केन्द्रलाई रोजेकाले प्रदेश सभा एमालेको बहुुमत नरहेको दाबी गरे ।