तालिबानले अफगानिस्तानका सबै प्रान्तमा विजय हासिल गरिसकेको भए पनि पंजशिर नियन्त्रणमा लिन सकेको छैन । 

त्यसलाई पनि कब्जामा पार्नका लागि तालिबानले आक्रमण गरिरहेको छ । शनिवार तालिबानका ६०० जना लडाकूलाई मारेको अफगान प्रतिकार बलहरूले बताएका छन् । 

‘लगभग ६०० जना तालिबान आतंकवादीहरूलाई पंजशिरका विभिन्न जिल्लामा सफाया गरिएको छ । एक हजारभन्दा बढी तालिबान लडाकूहरूलाई नियन्त्रणमा लिइएको अनि कतिपयले आत्मसमर्पण गरेका छन्,’ प्रतिकार बलका प्रवक्ता फाहिम दश्तीले बताए । 

तालिबानले अन्य प्रान्तबाट आपूर्ति पाउन नसकेको पनि उनको भनाइ छ र 

पंजशिर नेसनल रेजिस्टेन्स फ्रन्टको गढ हो । उक्त फ्रन्टको नेतृत्व अहमद मसूदले गरेका छन् । 

तालिबानलाई पंजशिरमा अघि बढ्न ल्यान्डमाइनहरूले अवरोध गरिरहेको अलजजीराले खबर दिएको छ । 

राजधानी शहर बाजाराक जाने सडकमा अनि प्रान्तीय गभर्नरको निवासमा पनि ल्यान्डमाइन राखिएको छ । 

तालिबानले आक्रमण र माइन हटाउने काम एकैपटक गरिरहेको छ ।