×

X
Dabur
Nic Asia
Marvel

सम्पादकीय

मुठभेड होइन, संसद् चलाउन संवाद गर

काठमाडाैं | भदौ २७, २०७८

TVS INSIDE

प्रतिनिधि सभाका सभामुख अग्नि सापकोटा र प्रमुख प्रतिपक्षी दल नेकपा एमालेको आपसी द्वन्द्वका कारण जनताको सार्वभौम थलो संसद् अवरुद्ध छ ।

IME BANK INNEWS
morang Auto yamaha

भदौ २३ गते अधिवेशन शुरू भएकै दिनदेखि अवरोध खुलाउन ठोस प्रयास भएको देखिएको छैन ।


Advertisment
NMB BANK
RMC TANSEN
Saurya island

दुई दिनको अवधिमा बसेका प्रतिनिधि सभाका ६ वटा बैठकमा प्रमुख प्रतिपक्षी दलको नाराबाजी चलिरहेको छ । 

माधव नेपाल लगायत १४ सांसदमाथि पार्टीले गरेको कारवाही सिफारिश कार्यान्वयन नगरेको भन्दै एमालेले सभामुखको भूमिकाप्रति आपत्ति जनाउँदै आएको छ ।

Vianet communication
Maruti inside

पार्टीले गरेको १४ सांसद माथिको कारवाहीलाई एमालेले प्रतिष्ठाको विषय बनाएको छ ।

यसअघि जसपाले कारवाही गरेका सरिता गिरी र माओवादीले कारवाही गरेका टोपबहादुर रायमाझी, लेखराज भट्ट, प्रभु साह तथा गौरीशंकर चौधरीको कारवाहीको उदाहरण दिँदै एमालेले माधव नेपाल लगायतको कारवाही सदर हुनुपर्ने जिकिर गरिरहेको छ ।

एकातर्फ संसद् अवरुद्ध रहेको अवस्थामा सरकार र सभामुखले जवरजस्ती संसद्को कारवाही अगाडि बढाउन खोजेका छन् । सभामुखले जवरजस्ती गर्न खोज्दा बुधवार र शुक्रवार संसद्मा तनावपूर्ण अवस्था सिर्जना भयो ।

प्रतिपक्षी दल अनुपस्थित रहेको वा बहिस्कार गरेको अवस्थामा संसद् कार्यसूचीमा प्रवेश गर्न सक्दैन । तर, प्रतिपक्षी दलले वेलमा नाराबाजी गरिरहेको समयमा संसद्को बिजनेस अगाडि बढाइनु दुर्भाग्यपूर्ण हो । परन्तु संसदीय परम्परामा बुलडोजर लगाउने काम अहिले शुरू भएको होइन, केपी शर्मा ओली नेतृत्वको तत्कालीन नेकपा सरकारका समयमा नै यो गलत परम्पराको थालनी भएको थियो ।

‘सरकार सत्तापक्षको, सदन प्रतिपक्षको’ भन्ने मान्यता नेपालको संसदीय प्रणालीमा स्थापित छ । अर्थात्, सदन सञ्चालनमा प्रतिपक्षको भूमिका उत्तिकै महत्त्वपूर्ण हुन्छ । तर शुक्रवार सरकारले बजेट प्रतिस्थापन विधेयक ल्याउने बेला कार्यसूची बनाउने क्रममा पनि आफूहरूसँग परामर्श नगरिएको गुनासो प्रतिपक्षी दल एमालेको छ । 

अवरुद्ध संसद् सुचारु गर्न प्रतिपक्षीसँग संवाद गरेर सहमति खोज्नुको साटो सरकार र सभामुखले प्रतिपक्षीलाई दबाएर अगाडि बढ्ने कोशिश गर्नु गम्भीर गल्ती हुनेछ । प्रतिपक्षी सांसदलाई छल्नका लागि मार्सलको सहायता लिएर मन्त्री रोस्ट्रममा पुग्नुपर्ने गरी संसद् कति दिन चल्न सक्छ ? यसर्थ प्रतिपक्षी दलसँग संवाद गरेर मात्र सहमतिमा संसद् सञ्चालन गर्न जरुरी छ । 

सत्ता र प्रतिपक्षको मुठभेडले सार्वभौम संसद्लाई झनै अराजकतामा लैजाने खतरा कायम छ । यही टकराव उत्कर्षमा पुग्दा शुक्रवार एमालेकी एक सांसदले सभामुखको ‘टाउको फोर्न’ भन्दै माइक थुतेको स्वीकार गरेकी छन् । सभामुखलाई लक्षित गरेर माइक प्रहार गर्ने कोशिश गर्नु पनि आपत्तिजनक छ । संसद्लाई थप अराजकतामा जान नदिन पनि यथासक्य संवाद गरेर संसदको मुठभेड रोक्नैपर्छ । 

TATA Below
NLIC
जेठ १३, २०७९

सर्वोच्च अदालतका आदेश/फैसला सितिमिति विवादमा आउँदैनन्, सर्वसाधारणले टिप्पणी गर्दैनन् । तर पछिल्लो समय अदालतका आदेशमा व्यापक जनगुनासो बढ्न थालेको छ । अदालतका आदेश विवादमा तानिन थालेको एउटा उदाहरण हो, निजगढ वि...

चैत २७, २०७८

वैशाख ३० का लागि निर्धारित स्थानीय तह चुनाव आउन करीब एक महिना मात्र बाँकी रहेको समयमा फेरि चुनावप्रति संशय उत्पन्न हुने खालका अभिव्यक्ति नेताहरूबाट आउन थालेका छन् । निर्वाचन आयोगले आचारसंहिता समेत लागू गर...

बैशाख २४, २०७९

लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) आजदेखि सातौं वर्षमा प्रवेश गरेको छ । यस अवसरमा हामी सबैभन्दा पहिला देश तथा विदेशमा रहनुहुने तपाईं आम पाठकप्रति शीर झुकाउन चाहन्छौं । लोकान्तरप्...

बैशाख १२, २०७९

वैशाख ३० गते हुने स्थानीय तह निर्वाचनका लागि प्रमुख दलहरूले आफ्नो चुनावी घोषणापत्र सार्वजनिक गरेका छन् ।  नेकपा एमालेले कम्युनिस्ट पार्टीको स्थापना दिवस ९ वैशाख र नेपाली कांग्रेसले वैशाख ११ गतेको लोकतन्...

असार २९, २०७९

देशको अर्थतन्त्रलाई ‘गाइड’ गर्ने निकाय नेपाल राष्ट्र बैंकका गभर्नर महाप्रसाद अधिकारी गम्भीर विवादमा तानिएका छन् । तटस्थ रहनुपर्ने र संवेदनशील निकायको प्रमुख रहेका अधिकारी कुनै राजनीतिक दलको सदस्य ...

फागुन २३, २०७८

तनहुँ सदरमुकाम दमौलीमा आइतवार भएको आगलागी नियन्त्रण गर्नका लागि काठमाडौंबाट हेलिकप्टर गएर पानी ओसार्नुपरेको दृष्य अलि अस्वाभाविक जस्तो देखियो ।  हेलिकप्टरमा पानी ओसारेर चार घण्टा लगाई बल्लतल्ल आगलागी न...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

राजनीतिसँगका जनअपेक्षा– अवस्था बदल्ने कि नेता ?

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...

ad
x