बलिउड अभिनेत्री दीपिका पादुकोण यतिबेला आफ्नो फिल्म  ‘गहराइयाँ’ लाई लिएर चर्चामा छिन् । 

हालै यो फिल्म ओटीटी प्लेटफर्ममा रिलिज भएको छ, जसलाई खासै रुचाइएको छैन । 

यस फिल्ममा दीपिकासँगै सिद्धान्त चतुर्वेदी र अनन्या पाण्डेले महत्त्वपूर्ण भूमिका निर्वाह गरेका छन् । 

यो फिल्मको कथा एकदमै फरक छ । फिल्ममा दीपिकाले आलिशाको भूमिका निर्वाह गरेकी छन्, जो आफ्नै बहिनी (अनन्या)की 'फियान्से' (विवाह पक्का भइसकेको) अर्थात् सिद्धान्तसँग सम्बन्धमा हुन्छिन् ।

चलचित्रमा उनीहरूको इन्टिमेट सिनहरू देखाइएको छ, जसको झलक ट्रेलरमा पनि देखिन्छ । 

यो फिल्म रिलिज भएपछि दीपिका पादुकोणले अहिले एनडीटीभीलाई अन्तर्वार्ता दिएकी छिन्, जसमा अभिनेत्रीले फिल्म ‘गहराइयाँ’ बारे आफ्नो धारणा राखेकी छन् । 

दीपिका पादुकोणले फिल्मको कथामा आफ्नो क्यारेक्टरको विचार मन नपर्ने भएकाले आफू सहमत नभएको बताएकी थिइन् ।

अन्तर्वार्तामा दीपिका पादुकोणले आफैं पनि फिल्ममा अलिशाका धेरै विचारप्रति सहमत नभएको बताइन्,  तर पनि आफ्नो भूमिकालाई राम्रोसँग गर्न चाहेको बताइन् । 

अन्तर्वार्तामा दीपिकाले आफ्नो क्यारेक्टर धेरैले मन नपराएको हुन सक्ने स्वीकार पनि गरेकी छन् । 

फिल्मको कथा यी तीन जनाको सम्बन्धको वरिपरि घुमेको छ ।