माघ २७, २०८०
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
मोरङको विराटनगरका अक्षलाल ठाकुर अहिले ७८ वर्षका भए । अहिले पनि उनको जोसजाँगर २२–२५ वर्षका युवाको जस्तै छ ।
१०–११ वर्षको उमेरदेखि कपाल काट्न थालेका ठाकुर अहिले पनि कहिलेकाहीँ कपाल काट्ने काम नै गर्ने गर्छन् ।
उमेर छिप्पिँदै गएपछि पहिला गरेको काम पनि डर लाग्ने गरेको उनी बताउँछन् । ‘पुराना साथीहरू भेट्दा कपाल काटौं काटौं लाग्छ तर छोराले गाली गर्ने गरेका कारण छाडेको हुँ,’ अक्षलालले भने ।
केही काम नगरी दिन काट्न समस्या भएपछि गाई पालेर त्यसकै स्याहार गरेर उनले दिन बिताउने गरेका छन् । नाति–नातिनाको माया तथा शुद्ध दूध खुवाउने उद्देश्यले गाई पालेको उनले बताए ।
‘१ रुपैयाँमा ४ किलो दूध बेच्थ्यौं, अहिले १ किलोलाई झण्डै सय रुपैयाँ पर्छ,’ उनले भने, ‘गाई पालेर शुद्ध र ताजा दूध पनि खान पाइयो, मलाई दिन कटाउने माध्यम पनि बनेको छ ।’
विराटनगरमा कपाल काट्ने पहिलो आफ्नो परिवार नै भएको उनको दाबी छ । उनका ४ पुस्ताले विराटनगरमा कपाल काटेको छ । हजुरबुवा, बुवा र उनका छोराले एउटै पेशा अँगालेका छन् ।
कपाल काटेर वार्षिक १०० मन धान संकलन
अक्षलालका १ दाजु र १ भाइ छन् । अक्षलालका बुवा पनि विराटनगरमै जन्मेका हुन् । अहिले बसोबास गरिरहेको घर अक्षलालले जान्दा जंगलको छेउमा थियो । अहिले जस्तो जतासुकै घर थिएनन् ।
आफ्नो परिवार विराटनगरको पहिलो ठाकुर भएको उनको दाबी छ, ठाकुर भएकाले कपाल काट्ने मुख्य पेशा हो । ‘त्यो समयमा अहिले जस्ता कपाल काट्ने शैलुनहरू थिएनन् । घरघरमा गएर कपाल काट्ने गरिन्थ्यो,’ उनले भने, ‘बुवा, दाजुभाइसहित चारै जना घरघरमा गएर कपाल काटिदिन्थे । कपाल काटिसक्दा पैसा तिर्ने चलन त्यतिबेला थिएन, कपाल काटेबापत ६ महिना तथा वर्ष दिनमा अन्न ल्याउने गरेका थिए । त्यसरी अन्न लिएर काम गर्ने चलनलाई बालीघरे प्रथा भन्ने गरिन्थ्यो । साहु महाजनको घरमा गएर कपाल काट्ने गरेका थिए ।’
बालबालिकाको कपाल काट्दा वर्षमा १ मनसम्म र ठूलाको कपाल काट्दा त्योभन्दा बढी धान दिने गरिएको उनी बताउँछन् । १ मन बराबर ४० किलोग्राम हुन्छ । १०० घरभन्दा बढी साहुको घरमा गएर कपाल काट्ने गरेको उनले बताए ।
‘साहु महाजनले धान काट्दा पनि बोलाउँथे र बिटा लगाउँदा बर्षभरि काम गरेकोमा बोक्न सक्ने गरी धान दिन्थे,’ उनले भने । एक साहुको घरबाट २ मनसम्म धान बोकेर घर ल्याउने गरेको उनले बताए । त्यसबेला सबैतिरको बाली उठाइसक्दा साहु महाजनको घरमा भन्दा बढी अन्न भित्र्याउन सकिने उनले स्मरण गरे ।
एउटा टोलमा ८–१० दिनमा पुगेर कपाल–दाह्री काट्ने चलन थियो । ‘टोलमा हजाम आएको छ’ भन्दै खुशी हुँदै आउने गरेका उनले बताए । ‘हजुरबुवाले भारतबाट कैची ल्याइदिनुभएको थियो,’ उनले भने, ‘कैची छुरा बोकेर बुवाहरू कपाल काट्न जानुहुन्थ्यो ।’
त्यतिबेला घरमा कपाल काट्न आउनेलाई दूध, दही, मही, घ्यू र अचारसहित ज्वाइँ खाना खुवाउने गरिएको उनले बताए । घरका ४ जनाले मात्रै कपाल काट्न नभ्याएपछि भारतबाट केही हजामहरू ल्याएर तलब दिएर हजुरबुवाले राखेका अक्षेलालले सम्झिए । ‘हजुरबुवाले दैनिक ज्यालादारीमा काम लगाउने गरेका थिए । दैनिक ५० पैसा दिएर काम लगाउने गरिएको थियो,’ उनले भने ।
गाउँघरबाट अन्नबाली अक्षलालका परिवारले उठाउने गरेका थिए । बुवा–बाजेदेखि गर्दै आएको पेशा उनका छोराले गर्दै आएका छन् । छोराले शैलुन खोलेर कपाल काट्ने गरेका छन् ।
दाइजो प्रथा विरोधी अक्षलाल
अक्षलाल १३ वर्षको हुँदा विवाह भएको थियो । ‘मेरो विवाह भएको समयमा मधेशी जातभित्र दाइजो प्रथा थिएन,’ उनले भने, ‘माइती पक्षले सुनचाँदीका गरगहना दिने चलन थियो ।’
समय परिवर्तन हुँदै जाँदा दाइजोको चलन आएको उनी बताउँछन् । ‘छोराको विवाहमा ससुरालीले मोटरसाइकल लगायतका अन्य दाइजो दिने बताएका थिए । मैले छोरालाई बुहारी मात्रै चाहिएको हो भनेर भन्न लगाएँ,’ उनले भने ।
उनले छोरीको विवाहमा पनि दाइजो नदिएको बताए । छोरीहरू माग्न आउनेलाई पनि छोरी मात्रै दिने दाइजो नदिने भनेर पठाएको उनले बताए ।
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...