भारतको सबैभन्दा ठूलो राज्य उत्तर प्रदेशमा फेरि मुख्यमन्त्री योगी आदित्यनाथकै सरकार बन्ने पूर्वानुमान गरिएको छ ।

विभिन्न कम्पनीले गरेको चुनावी सर्वेक्षणमा भारतीय जनता पार्टी (भाजपा) ले नै बहुमत ल्याउने पूर्वानुमान देखिएको छ । 

उत्तर प्रदेशका ४०३ विधानसभा निर्वाचन क्षेत्रमध्ये भाजपा गठबन्धनले २८८–३२६ सिट, समाजवादी गठबन्धनले ७१–१०१ सिट, बहुजन समाजवादीले ३–९ सिट र भारतीय कांग्रेसले १–३ सिट जित्ने पूर्वानुमान गरिएको छ ।

भाजपाले चुनावमा ‘अबकी बार, ३०० पार’ नारा लगाएको थियो, जुन नारा सफल हुनसक्ने देखिएको छ । पछिल्ला चुनावमा उत्तर प्रदेशमा भाजपाले आफ्नो पक्षमा नतिजा निकाल्न सफल हुँदै आएको छ ।