नेपाली कांग्रेसका नेता डा. शशांक कोइरालाले गठबन्धनभित्रको तालमेलको विषयमा समितिको निर्णय मान्नुपर्ने बताएका छन् । 

चितवनमा पत्रकारसँग कुरा गर्दै उनले दलबीचमा बनेको राजनीतिक उच्चस्तरीय समितिको निर्णय सबैले पालना गर्नुपर्ने बताएका हुन् । 

आज साँझसम्म गठबन्धनभित्र टुंगो लाग्ने भन्दै उनले निर्णय नआएसम्म केही भन्न नसकिने बताए । 

उनले भने, 'निर्णय आएपछि सम्झाउनुपर्ने हुन्छ, हामीसँग समय पनि छ ।' 

कार्यकर्तालाई सम्झाउन कठिन हुने भन्दै उनले गठबन्धनभित्रका दलले आफ्नो जनाधार कमजोर भएका ठाउँसमेतमा माग गरेका कारण टुंगो लाग्न कठिन भएको बताए ।