नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले फेरि एकपटक राजनीतिक दलहरूबीच साझा समझदारीको आवश्यकता रहेको बताएका छन् । 

नीति तथा कार्यक्रममाथि छलफल गर्ने संसदको शनिवारको बैठकमा बोल्दै उनले यस्तो बताएका हुन् । 

उनले भने,  ‘राजनीतिक तहमा एकता र सहमति बनाएरै स्थानीय तहको निर्वाचन पूरा भएको छ । अब फेरि त्यसै प्रकृतिको एकता, सहमति बनाउन जोड गर्नुपर्ने अवश्यकता छ ।’ 

दलमा, अन्तरदलहरूमा देखिएको समस्याको समाधान गरेर जानुपर्ने भएकाले पनि एकले अर्कोलाई दोषारोपण नगरी मिलेर र साझा समझदारी बनाएरै जानुपर्ने दाहालले बताए । 

‘देशलाई राजनीतिक समझदारी सहमतिको आवश्यकता फेरि एकपटक परेको छ । त्यसका लागि नयाँ प्रतिबद्धता र भिजनमा जानुपर्ने हुन्छ,’ उनले भने,  ‘दलहरूबीच भने एकले अर्कोलाई दोषारोपण गर्नेतर्फ जाने हो कि भन्ने चिन्ता भने देखिएको पनि दाहालले बताए ।’