नेकपा माओवादी केन्द्रको केन्द्रीय समिति बैठकले अध्यक्ष पुष्पकमल दाहाल ‘प्रचण्ड’का राजनीतिक प्रतिवेदन पारित गरेको छ ।

बिहीवारको बैठकमा प्रचण्डले प्रतिवेदनमाथि उठेका प्रश्नको जवाफ दिएपछि प्रतिवेदन पारित भएको हो ।

प्रतिवेदनमा प्रचण्डले समाजवादी कार्यदिशा अबलम्बन गर्ने पार्टीसँग मोर्चा र गठबन्धन बनाउन प्रस्ताव गरेका छन् । उनले नेकपा एमालेका अध्यक्ष केपी शर्मा ओलीलाई दक्षिणपन्थी भन्दै सो धारलाई कमजोर पार्नुपर्ने उल्लेख गरेका छन् । 

प्रतिवेदनमा प्रचण्डले समाजवादी कार्यदिशा अबलम्बन गर्ने पार्टीसँग मोर्चा बनाउन प्रस्ताव गरेका छन् । १० पेज लामो राजनीतिक प्रस्तावमा प्रचण्डले केपी ओलीको दक्षिणपन्थी प्रवृत्तिलाई परास्त गर्नुपर्ने बताएका छन् । 

‘समाजवादी कार्यदिशा अबलम्बन गर्ने पार्टी, शक्ति र व्यक्तित्वहरूको तत्कालको मोर्चा निर्माण आजको आवश्यकता हो,’ प्रचण्डको राजनीतिक प्रतिवेदनमा उल्लेख गरिएको छ, ‘... केपी ओलीको दक्षिणपन्थी धारलाइ कमजोर पार्ने, संविधान र आन्दोलनका उपलब्धिलाई खोस्न उद्दत प्रतिगामी प्रवृत्तिलाई पराजित गर्नेछ ।’