पछिल्लो २४ घण्टामा मुलुकभर २९९ जना नयाँ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार कुल ४ हजार ३३७ नमूना परीक्षण गर्दा २९९ जनामा संक्रमण पुष्टि भएको हो । 

मन्त्रालयका अनुसार १ हजार ६७० नमूना पीसीआर विधिबाट परीक्षण गर्दा १८० जना र २ हजार ६६७ नमूना एण्टीजेन विधिबाट परीक्षण गर्दा ११९ जनामा संक्रमण पुष्टि भएको हो । योसँगै सक्रिय संक्रमितको संख्या ४ हजार ६२५ पुगेको छ ।

कोरोना संक्रमणका कारण पछिल्लो २४ घण्टामा २ जनाको मृत्यु भएको छ ।  

संक्रिय संक्रमितमध्ये ४ हजार ४१६ जना होम आइसोलसनमा, २०९ जना संस्थागत आइसोलेसन, ५३ जना आईसीयू र ४ जनाको भेन्टिलेटरमा राखी उपचार भइरहेको छ । 

त्यसैगरी विगत २४ घण्टामा ५७७ जना कोरोना संक्रमणबाट निको भएर घर फर्किएका छन् ।