जन्मकैद सजाय भोगिरहेका रेशम चौधरीलाई रिहा गर्ने उद्देश्यले सरकारले ल्याउन लागेको अध्यादेश राष्ट्रपति कार्यालय पुगेको छ । मुलुकी फौजदारी कार्यविधि संहिता संशोधन गर्न सरकारले अध्यादेश जारी गरेको हो । 

आइतवार बसेको मन्त्रिपरिषद बैठकले अध्यादेश जारी गर्ने निर्णय गरेको थियो । सोही अध्यादेश सोमवार राष्ट्रपति कार्यालय पुगेको हो । सरकारले पठाएको अध्यादेश राष्ट्रपति कार्यालयमा आइपुगेको र राष्ट्रपति विद्यादेवी भण्डारी अध्ययनमा रहेको राष्ट्रपति कार्यालयका एक अधिकारीले जानकारी दिए । 

सरकारले सरकार गठनकै लागि अनुचित ढंगले अध्यादेश ल्याएको भन्दै सत्तारुढ नेपाली कांग्रेसका नेताहरूसहित अन्य क्षेत्रले पनि विरोध गरिरहेको छ ।