सत्तारुढ दल जनमत पार्टीका अध्यक्ष तथा नवनिर्वाचित प्रतिनिधिसभा सदस्य सीके राउतले काठमाडौंमा डेरा खोज्न गाह्रो भएको बताएका छन् ।

मंगलवार बिहान सामाजिक सञ्जाल ट्विटरमा लेख्दै राउतले मंगलवार पनि डेरा खोज्न जाने बताएका छन् ।

उनले ट्विटरमा लेखेका छन्, ‘शुभप्रभात ! काठमाडौं बस्न डेरा/घर खोज्नै गाह्रो, आज पनि जाँदैछु । बरू काठमाडौं भएको बेला एकान्तमा यस्तै डाँडाकाँडातिर बसौंबसौं लाग्ने – कस्ता रमणीय र ध्यान लाग्ने ठाउँहरू । घ्याम्पेडाँडास्थित पाइलटबाबा आश्रम गत शनिवार जाँदाको तस्वीर ।’