वैशाखको १ गतेबाट प्रदर्शनको तयारीमा रहेको फिल्म ‘नाइँ नभन्नू ल ६’ले ‘तलाउमा ढुङ्गा नहान...’बोलको गीत सार्वजनिक गरेको छ । 

यो गीतको भिडियोमा फिल्मका मुख्य कलाकारहरू अभिनेता आशीर्वाद क्षेत्री र अभिनेत्री आँचल शर्मा फिचर्ड छन् । 

बसन्त सापकोटाको शब्द एवं संगीत रहेको गीतमा राजनराज शिवाकोटी र मेलिना राईले स्वर दिएका छन् । 

‘नाइँ नभन्नू ल ६’लाई विकासराज आचार्यले निर्देशन गरेका हुन् ।

फिल्ममा केकी अधिकारी, प्रियंका कार्की, सरोज खनाल लगायतको साथमा बाल कलाकारहरू अनुभव रेग्मी, योगीशा खत्री, अथर्व उप्रेतीलगायत समेत विशेष भूमिकामा छन् ।