कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | जेठ २८, २०८०
कोरोना महामारीका बेला दाङको बेलझुण्डीस्थित कोभिड– १९ अस्थायी अस्पतालमा ल्याइएका ९ वटा भेन्टिलेटर र १५ वटा आईसीयू शय्या राप्ती प्रादेशिक अस्पताल तुलसीपुरमा थन्किएका छन् ।
प्रदेश र संघीय सरकारले उपलब्ध गराएका एक करोड ५० लाख मूल्यका उपकरण प्रयोगविहीन बनेका हुन् । कोरोना महामारी टरेपछि २०७९ मंसिरबाट बन्द गरिएको बेलझुण्डी कोभिड अस्पतालका उपकरण प्रादेशिक अस्पताल लगिएको छ ।
राप्ती प्रादेशिक अस्पतालका मेडिकल सुपरिटेन्डन (मेसु) डा. ओमप्रकाश अर्यालले जनशक्ति अभावले कोभिडकालमा ल्याएका स्वास्थ्य सामग्री प्रयोगमा आउन नसकेको बताए । ‘हाम्रो अस्पतालमा आईसीयू सञ्चालनमा छैन,’ मेसु अर्यालले लोकान्तरसँग भने, ‘प्राविधिकको अभाव र रिसोर्स नहुँदा महामारीका बेला भित्रिएका उपकरण थन्किएका छन् । कसरी प्रयोगमा ल्याउने भनेर हामी खोजीमा लागेका छौं ।’
१५ वटा आईसीयू, ९ वटा भेन्टिलेटर र १७ वटा नर्मल बेड गरी १०० शय्याका कोभिड अस्पतालका उपकरण अहिले अस्पतालको कुनामा थन्किएका छन् । तत्कालीन कोभिड अस्पतालका व्यवस्थापक द्रोण वलीले जनशक्ति थपेर भए पनि स्वास्थ्यका महत्त्वपूर्ण उपकरणहरू प्रयोगमा ल्याउनुपर्ने बताए ।
प्रदेश सरकारले शुक्रबार ल्याएको आर्थिक वर्ष २०८०/०८१ को नीति तथा कार्यक्रममा राप्ती प्रादेशिक अस्पताललाई विशेषज्ञ चिकित्सकसहित २०० शय्यामा स्तरोन्नति गर्ने कार्यक्रम समावेश गरेको छ ।
गुल्मीमा पनि कोभिडको लहरको समयमा खरिद गरिएका झण्डै दुई करोड रूपैयाँबराबरका स्वास्थ्य उपकरण उपयोग नभएर अलपत्र परेका छन् ।
तत्कालीन परराष्ट्रमन्त्री तथा एमाले उपमहासचिव प्रदीप ज्ञवालीले पीसीआर मशिनको जोहो गरिदिएर १ असोज २०७७ मा प्रयोगशाला उद्घाटन गरे । जिल्लामा असोजबाटै नियमित परीक्षण शुरू भयो ।
वि.स.२०७८ सालमा कोभिडको दोस्रो लहरसँगै परीक्षणका लागि एन्टिजेन आएपछि प्रयोगशालाको औचित्य सकियो । झन्डै ५० लाखको पीसीआर मशिनसहित प्रयोगशालाका सामग्रीहरू गरेर करीब एक करोड रूपैयाँ खर्च भएको थियो ।
त्यस्तै गुल्मी अस्पतालमा जनशक्ति नहुँदा एक वर्षदेखि दुईवटा भेन्टिलेटरसहितको पाँच बेडको आईसीयू अलपत्र परेको छ । कोभिड– १९ का बेला दुई करोड रूपैयाँ विनियोजित बजेटमध्ये डेढ करोडमा गत वर्ष नै पूर्वाधार र उपकरण जडानको काम भयो । तर, पाइपलाइन विस्तार र जनशक्ति नहुँदा आईसीयू अलपत्र भएको छ । एक वर्षदेखि महत्त्वपूर्ण स्वास्थ्य उपकरण अलपत्र छ ।
वर्षौंदेखि विशेषज्ञ जनशक्ति व्यवस्थापन नहुँदा भेन्टिलेटरसहितको आईसीयू उपयोग नभएर धुलाम्मे बनेका छन् । स्थायी मेडिकल अधिकृत पनि जिल्लामा नबस्ने अवस्थामा भेन्टिलेटर सञ्चालन गर्ने जनशक्ति प्रदेशस्तरबाट व्यवस्थापन नहुने गुल्मी अस्पतालका प्रमुख डाक्टर राजेन्द्र जिसी बताउँछन् ।
अहिले पीसीआर मशिनसहितका स्वास्थ्य सामग्री उपयोगविहीन भएर कोठामा थन्किएका छन् । दुईपटक गरेर प्रयोगशाला सञ्चालनमै ७० लाखभन्दा बढी खर्च गरियो । प्रयोगशाला भएको घरमा अहिले रेसुंगा नगरपालिका– ९ को कार्यालय सञ्चालन गरिएको छ ।
‘प्रयोगशाला बन्द भएपछि भाडामा बसेको वडा सारेका छौं । अस्पतालले प्रयोगशालाको साँचो नगरलाई बुझायो,’ वडाध्यक्ष कृष्णप्रसाद पाण्डेयले भने, ‘सस्तो र छिटो हुने एन्टिजेन आएपछि महंगो पीसीआर परीक्षण बन्द भयो ।’
जनशक्तिको अभाव देखाउँदै बुटवलस्थित लुम्बिनी प्रादेशिक अस्पतालमा महंगा उपकरण प्रयोगविहीन बनेका छन् । कोरोनाको बेला उपलब्ध भएका उपकरणदेखि अन्य करोडौं पर्ने स्वास्थ्य उपकरण थन्किँदा चर्को शुल्क तिरेर बिरामीहरू निजी अस्पतालमा सेवा लिन बाध्य छन् ।
अस्पतालमा १० करोड रूपैयाँको क्याथल्याब आएको वर्षदिन पुग्दा समेत सञ्चालनमा आएको छैन । अस्पतालका अध्यक्ष अजयमान श्रेष्ठले जनशक्ति अभावले गर्दा उपलब्ध साधनस्रोतलाई प्रयोग गर्न नसकिएको बताए ।
‘क्याथल्याब मशिन चलाउन कन्सलटेन्ट चिकित्सक आवश्यक पर्छ,’ श्रेष्ठले भने, ‘अस्पतालको आन्तरिक स्रोत खुम्चिँदा निजी स्रोतबाट कन्सलटेन्ट राख्न सकेका छैनौं । विशिष्टीकृत चिकित्सक चाहियो भनेर प्रदेश सरकारसँग बारम्बार अनुरोध गरेका छौं ।’
श्रेष्ठले थपे, ‘आँखाका चिकित्सक छन्, तर उपकरण छैन । उपकरण भएको क्षेत्रका चिकित्सक छैनन् । तालमेल मिलाउने प्रक्रियामा जुटेका छौं । अस्पतालमा सबै सेवा सहज रूपमा दिने गरी चलाउने हो ।’
प्रादेशिक अस्पतालमा दैनिक १ हजार ४०० जना बिरामी उपचारको लागि आउने गर्छन् । प्रादेशिक अस्पतालका पूर्व अध्यक्ष सूर्यबहादुर भट्टराई कोभिडका बेलमा किनेका आईसीयू र भेन्टिलेटर प्रादेशिक अस्पतलामा नयाँ भवनमा प्रयोग गरिएको बताए । बुटवलको कोभिड अस्पताल धागो कारखानामा सञ्चालन गरिएको थियो । ‘धेरैजसो उपकरण प्रयोगमा छन् । केही बाँकी होलान्, अब नयाँ अध्यक्ष र नयाँ मेडिकल सुपरिटेन्डन सबैलाई प्रयोगमा ल्याउनुपर्छ,’ भट्टराईले भने ।
रूकुमपूर्वमा पनि कोभिडकालका उपकरणहरू अहिले प्रयोगमा आउन सकेका छैनन् । कोरोनाको दोस्रो लहरमा ‘हटस्पट’ बनेको बाँकेको भेरी अस्पतालमा पनि कोभिडकाका सबैजसो सामग्री प्रयोग भएका छैनन् ।
स्वास्थ्य मन्त्रालय लुम्बिनी प्रदेशका प्रवक्ता डा. पुष्पराज पौडेलले कोभिडकालमा किनेका स्वास्थ्य उपकरण पूर्णरूपमा सदुपयोग गर्न अस्पतालमा दरबन्दी थप गरिने बताए ।
‘ठूला अस्पतालमा धेरैजसो उपकरणहरू प्रयोग भएका छन्,’ प्रवक्ता पौडेलले लोकान्तरतसँग भने, ‘पहाडी जिल्लामा साना अस्पतालहरूमा सबैजसो प्रयोग भएका छैनन् । तिनीहरूको पनि उपयोग गर्ने गरी योजना प्रदेश सरकारले अगाडि बढाएको छ ।’
कोरोनाका बेला लुम्बिनी प्रदेश सरकारले राहतमा ३० करोड, उपकरणमा ३० करोड र अन्यमा १० करोड गरी ७० करोड रूपैयाँ खर्च गरेको डा. पौडेलले बताए ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...