कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
विराटनगर | भदौ ९, २०८०
उच्च शिक्षा अध्ययन गर्न अहिले धेरै नेपाली युवा–विद्यार्थी विदेश जाने गर्छन् । पढ्न होस् या कमाउन विदेश जानको ताँती नै छ । सहजै जान पाउने हो भने स्वदेशमा बस्नेभन्दा विदेशिन चाहाने बढी होलान् ।
पढ्न विदेश गएकामध्ये अधिकांश उतै सेटल हुने गरेका छन् । विदेशबाट फर्केर आउनेहरू पनि सिकेको सीप सदुपयोग गर्नुको सट्टा घर–घडेरी र गाडी किन्ने अनि शहरमा रमाउनेतिर लाग्छन् ।
तर, मोरङको रंगेलीस्थित बिर्ताका प्रवीन राजबंशी भने विदेशमा सिकेको सीपको उपयोग गरिरहेका छन् । इजरायलमा सिकेको सीप प्रयोग गरेर आफ्नै ठाउँलाई हराभरा बनाइरहेका छन् । उनीसँगै इजरायल गएका अन्य युवाले पेशा नै परिवर्तन गरिरहेका बेला उनी भने कृषिमै रमाइरहेका छन् । इजरायलको व्यावसायिक कृषिबाट सीप सिक्ने नेपाली युवाको आकर्षण पनि छ । साना किसान सहकारी संस्थामार्फत् उनीहरू त्यहाँ जाने गरेका छन् । त्यहाँ सीप सिक्न साना किसानले आफ्ना सेयर सदस्यका छोराछोरीलाई पठाउने गरेका छन् ।
प्रवीनले अंग्रजी विषयमा स्नातक गरेका छन् । उनी इजरायल जानुअघि सरकारी विद्यालयका अस्थायी शिक्षक थिए । रंगेलीको प्रगतिशील उच्च माविमा पढाउँदै थिए । मावि तहका विद्यार्थीलाई पढाउथे । तलब भने प्राविको मात्रै आउने गरेको थियो । जे भए पनि सरकारी जागिर खाइरहेका थिए । प्रवीनले २०६५ देखि २०७० सम्म विद्यालयमा पढाए । करिब ५ वर्ष पढाएपछि उनलाई इजरायल जाने अवसर जुर्यो । नेपालमा सरकारी जागिर भनेपछि मरिहत्ते गर्ने चलन छ । अस्थायी कर्मचारीहरूलाई जागिरबाट निकाल्दा आन्दोलन नै हुने गरेको छ । प्रवीनमा यो लागू भएन । उनले सरकारी जागिर छोडे । र, इजरायल जाने निर्णय लिए । साना किसान सहकारीमार्फत् उनी इजरायल गए ।
प्रवीन निम्नमध्यम वर्गीय परिवारका भएकाले बिहान–बेलुका के खाने भन्ने चिन्ता त्यति थिएन । बुबाआमाले परम्परागत खेती गरेर भए पनि छोराछोरीलाई राम्ररी नै हुर्काएका थिए । उनी अंग्रेजी पनि राम्रो बोल्न सक्थे । यसले उनलाई इजरायलमा काम गर्न सजिलो भयो ।
प्रवीन सन् २०१५ मा गए । एक वर्षमात्र बसेर १२ लाख रुपैयाँ कमाए । त्यहाँ हप्ताको एकदिन मात्रै पढाइ हुन्थ्यो । युवाहरूलाई इजरायल सरकारले कृषिको तालिम दिने गर्छ । पाँच दिन फिल्डमा प्राक्टिकल गर्नुपथ्र्यो । त्यहाँ राम्रो सीप सिकेर एक वर्षपछि पवीन गाउँ फर्किए । उनीसँगै इजरायल गएका अधिकांश अन्य पेशामा लागे पनि उनले भने कृषि पेशा नै अंगाले ।
उनीसँगै इजरायल जाने अधिकांशले कृषि पेशालाई अँगालेका छैनन् । सीपभन्दा पनि पैसा कमाउने धेरैको ध्यान हुने गरेको छ । ‘मैले पैसासँगै सीप पनि लिएर आएँ । एक वर्षमा १२ लाख रुपैयाँ कमाएँ,’ उनले भने ।
प्रवीन विगत ७ वर्षदेखि कृषि पेशामा आबद्ध छन् । अहिले खर्च कटाएर ८ लाखसम्म कमाउने गरेका छन् । इजरायलबाट फर्केपछि उनले गाई पालन गरेका थिए । तर, त्यो पेसाले भने उनलाई घाटा लगायो । ‘गाई पालनबाट घाटा लागेपछि तरकारी खेती शुरू गरेँ । अहिले त्यहीमात्र गरिहेको छु,’ उनी भन्छन् ।
उनले आफ्नै बारीका तरकारीहरू विराटनगरका बजारमा पठाउने गरेका छन् । टमाटर, काँक्रा, रायोको साग, भिण्डी, काउली, बन्दालगायत तरकारी उत्पादन गर्ने गरेका छन् । अहिले व्यापारीहरू उनको घरमै गएर होलसेलमा तरकारी किन्छन् ।
कृषि प्रधान देश नेपालमा करिब दुई तिहाइ जनता कृषिमा आबद्ध छन् । तर, पढेलेखेका युवाले कृषिमा रुचि देखाउँदैनन् । जग्गा बाझो छाडेर मरुभूमिलाई उजाड बनाउन लाग्छन् । तर, प्रवीण भने अपवाद बनेका छन् ।
इजरायल जानेहरूले त्यहाँको सीप यहाँको कृषिमा ल्याउने हो भने उत्पादन राम्रो वृद्धि हुने उनको बुझाइ छ । सिजनमा ४ बिघामा नै तरकारी खेती गर्ने प्रवीनले अफ सिजनमा भने डेढ बिघामा मात्रै गर्छन् । बर्खाको समयमा डुबानको समस्या हुने गरेको उनले सुनाए ।
टेन्ट हाउसमा कसरी खेती गरिन्छ भनेर इजरायलले सिकाएको उनले सुनाए । इजरायलको सीपलाई यहाँ प्रयोग गरी कृषिको आधुनिकीकरण गर्न सके नेपालमा धेरै सम्भावना रहेको उनी बताउँछन् ।
विश्वमा अपनाइने अत्याधुनिक कृषि प्रणालीको प्रयोगमा इजरायललाई नमूना मानिन्छ । कृषि भूमिको प्रबन्ध र बजारको ग्यारेन्टी सरकारले लिन्छ । नेपालमा पनि अनुदानमुखी कृषि भएकाले समेत नफस्टाउने गरेको उनको बुझाइ छ । यन्त्रीकरण र बजारीकरणको जिम्मा राज्यले लिए सजिलो हुने उनी बताउँछन् ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...
कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...
अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...