भागबण्डामा असन्तुष्ट बन्दै पार्टी कार्यालय सानेपास्थित बैठकस्थलबाट बाहिरिएका कांग्रेस नेता शेखर कोइराला फेरि फर्किएका छन् । 
सहमहामन्त्री डीना उपाध्याय र त्यसपछि नेता रमेश लेखकको फोनपछि उनी फर्किएका हुन् । राष्ट्रियसभा निर्वाचन अन्तर्गत पार्टीले गठबन्धनबाट भाग पाएको सिटमा भागबण्डा मिलाउन कांग्रेस संसदीय बोर्डको बैठक सानेपामा बसिरहेको छ ।

उक्त बैठकमा संस्थापन पक्षले ४ सिट दिन नसकिने बताएपछि जंगिँदै कोइराला बैठक स्थलबाट बाहिरिएका थिए। लगत्तै बैठकपनि अबरुद्ध बनेको थियो । 

अहिले फर्केर आएपछि शेखरले आफू निकटका सँग छलफल थालेका छन् भने त्यसपछि सभापति शेरबहादुर देउवासहित बोर्डको बैठक पुनः सुरु हुने बताइएको छ ।