×

गीत–संगीतमा नयाँ प्रतिभाको खोजी

‘भाइरल प्रतिभा’लाई कसरी आउँछ गीत रेकर्डिङको अफर ?

काठमाडाैं | माघ २७, २०८०

युट्युबमा अन्तर्वार्ता दिएर सामाजिक सञ्जालमा भाइरल भएको केही दिनमै बागलुङकी सिम्रन परियारको जीवनले नयाँ मोड लियो । यसपछि त उनका एकपछि अर्को गीत युट्युबमा आउन थाले । उनले छोटो समयमै दर्जनौं गीतमा आफ्नो स्वर भरिन् । युट्युबमा खोज्ने हो भने उनका थुप्रै गीतले युट्युबमा लाखौँ भ्युज पाएका छन् । 

यस्तै दैलेखकी अञ्जु विश्वकर्माका गीत दिनहुँजसो युट्युबमा सार्वजनिक भइरहेका छन् । उनी सामाजिक सञ्जालमा भाइरल भएको दुई सातामात्रै भएको छ । भाइरल भएको केही दिनमै उनका एकपछि अर्को गीत आउन थालेका हुन् । उनले दुई दर्जन बढी गीतमा स्वर दिइसकेकी छिन् । 


Advertisment

सिन्धुलीकी बेनिशा शंकरले युट्युबमा अन्तर्वार्ता दिएको दुई साता पनि भएको छैन । उनले अन्तर्वार्ताका क्रममा केही गीत गाएकी थिइन् जसमा उनको स्वरको धेरैले प्रसंशा गर्दै प्रतिक्रियाहरू दिएका छन् । त्यसयता उनको स्वरमा थुप्रै अफिसियल गीत सार्वजनिक भइसकेका छन् । 


Advertisment

यी पछिल्लो समयका केही उदाहरण हुन् । युट्युबका लागि दिएको अन्तर्वार्ताका कारण सामाजिक सञ्जालमा भाइरल भएपछि सांगीतिक क्षेत्रमा उदाउने प्रतिभाहरू थुप्रै छन् । भाइरल हुनासाथ केही दिनमै उनीहरूसामु कसरी पुग्छ गीतको अफर ? 

बेनिशा शंकरलाई गीत रेकर्डिङको पहिलो अवसर दिएका गायक एवं संगीतकार सन्तोष सुनारले भने, ‘भोजराज थापाजीले लिएको अन्तवार्ता हेरिरहँदा बहिनीको स्वर राम्रो लाग्यो । मसँग भएको कम्जोजिसन बहिनीलाई सुट गर्छजस्तो लाग्यो । त्यसपछि भोजराजजीलाई ‘कन्ट्याक’ गरेर गीतको अफर गरेर रेकर्ड गराएँ । गीत राम्रो पनि भयो ।’ 

सर्जक एवं गायक श्रीधर अधिकारीले सिम्रन परियारसँग थुप्रै गीतमा सहकार्य गरेका थिए भने अञ्जु विश्वकर्मासँग पनि उनले सहकार्य गरिसकेका छन् । उनी पनि जसले लिएको अन्तर्वार्ताका कारण प्रतिभाहरू भाइरल भए, उनीहरूकै माध्यममार्फत आफूले गीतको अफर गरेको बताउँछन् । 

श्रीधरले भने, ‘भाइरल प्रतिभामध्ये कतिपय निकै राम्रो स्वर भएकाहरू हुनुहुन्छ । उहाँहरूका अन्तर्वार्ता दर्शकले राम्रो मानेर हेरिरहनुभएको हुन्छ । उहाँहरू दर्शकको नोटिसमा भएका कारण गायनको अवसर दिँदा सम्बन्धितलाई पनि राम्रो होला, र गीत पनि व्यावसायिक रुपमा राम्रो होला भन्ने अपेक्षा हुन्छ ।’ 

भाइरल प्रतिभाले गाएका गीतहरू युट्युबमा पनि छोटो समयमै सार्वजनिक हुने गरेका छन् । छोटो समयमै गीत तयार भएर सार्वजनिक हुन कसरी हुन्छ सम्भव ? गायक श्रीधरका अनुसार भाइरल भएका प्रतिभाले गाएका गीत कतिपय पहिल्यै तयार हुने गरेको र कतिपय नयाँ बनाउने गरिएको छ । 

‘प्रायः सर्जकहरूसँग केही गीत स्टकमा पनि रहेका हुन्छन् । बनेर बसिसकेका गीतमा स्वर गर्ने भएकाले पनि छिटो तयार हुन्छन्,’ उनले भने, ‘कतिपयले चाहिँ नयाँ प्रतिभाहरूकै लागि भनेर पनि तयार पार्ने गरेका हुन्छन् । मैले अञ्जुसँग सहकार्य गरेको गीत उनकै लागि भनेर तयार पारेको हुँ ।’ पछिल्लो समय यो प्रतिभा भाइरल छ भनेर रातारात गीत तयार पार्ने परिपाटी देखिन्छ । गायक सन्तोष पनि त्यसरी गीत तयार हुने गरेको आफूले पनि पाएको बताउँछन् । यद्यपि, आफूले भने भाइरल भएकै भरमा काम नगरेको उनले प्रष्ट्याए । 

‘बेनिशा बहिनीसँग मेरो सहकार्यको गीत आएपछि अरु थुप्रैले उनीसँग सहकार्य गर्नुभएको छ । त्यसमध्ये कतिपयले अहिले बहिनी भाइरल छिन् भनेर सहकार्य गरेको पनि हुनसक्छ’ सन्तोषले भन्छन्, ‘यद्यपि, सम्बन्धित प्रतिभालाई गीत म्याच हुन्छ कि हुँदैन, गाउन सक्छन् कि सक्दैनन् ? भन्ने कुरा चाहिँ ख्याल गर्नुपर्छ जस्तो लाग्छ ।’ 

सन्तोषले सिम्रनको स्वरमा आफ्नो हिट गीत ‘छमक छमक’को फिमेल भर्सन ल्याएका थिए । उक्त गीत पनि सिम्रनलाई सुट हुने देखेर ल्याएको उनले बताए । यतिबेला एकजना अर्की नयाँ प्रतिभासँग गीतमा सहकार्य गरेका उनी भाइरलको आडमा मात्रै काम गर्न खोज्नु आफ्ना लागि अर्थहीन रहेको बताउँछन् । 

गीत गाएर ‘भाइरल’ भएर केही समयमै हराएका उदाहरणहरू पनि विगतमा थुप्रै छन् । तसर्थ उनीहरू टिकिरहन र सांगीतिक क्षेत्रमा भविष्य बनाउन संगीतका सुरसँग खेल्न प्रशिक्षणको आवश्यकता रहेको संगीतकर्मीहरू बताउँछन् ।


 

फागुन २८, २०८०

प्रकाश सपूत र सनिशा भट्टराईको अभिनयमा ‘फूलमाया कान्छी’ बोलको गीत सार्वजनिक भएको छ । सोमवार सार्वजनिक यो माया प्रेममा आधारित गीत हो । गीतमा योगेश काजी शाह र शान्तिश्री परियारको स्वर छ । यसमा कृष्ण...

पुस २७, २०८०

ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् ।  विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...

मंसिर २९, २०८०

लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ ।  बगरकै शब्द एवं संगीत रहेको गीतमा उनीसँगै चर्चित गायिका...

पुस २, २०८०

‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् ।  अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...

मंसिर १६, २०८०

कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे ।  पछिल्ला महिना भने म्युजिक भिडियोमा उनको...

कात्तिक १९, २०८०

साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् ।  थुप्रै देशमा पुगेर आफ्नो स्वर गुञ्जाइस...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x