२२ असार २०८३, सोमबार
विकिलिक्सका संस्थापक जुलियन असान्जे मङ्गलबार बिरामीका कारण गोप्य सैन्य तथा कूटनीतिक फाइलहरू प्रकाशित गरेको अभियोगमा अमेरिकामा सुपुर्दगीविरुद्धको आफ्नो अन्तिम पुनरावेदनको सुनुवाइमा लन्डनको एक अदालतमा अनुपस्थित भएका छन् ।
दुई दिने सत्रको सुरुआतमा असान्जेका वकिल एडवर्ड फिट्जगेराल्डले लन्डनको उच्च अदालतलाई ५२ वर्षीय असान्जेको स्वास्थ्य ‘आज ठिक नभएको’ र उनी व्यक्तिगतरूपमा वा भिडियो लिङ्कमार्फत सुनुवाइमा सहभागी नहुने बताए ।
सुनुवाइ हुनुभन्दा अघि नै पुगेर असान्जेकी श्रीमती स्टेलाले प्रदर्शनकारीहरूको भिडलाई धन्यवाद दिँदै भने, “कृपया आइराख्नुहोला, जबसम्म जुलियन मुक्त हुनुहुन्न तबसम्म जुलियन र हाम्रा लागि त्यहाँ रहनुहोला ।” अदालत बाहिर भिडले ‘फ्रि जुलियन असान्जे’ भन्ने नारा लगाएका थिए ।
