इलाम २ को प्रतिनिधि सभा उपनिर्वाचनमा दुई वडामा एकीकृत समाजवादीले कुनै पनि मत पाएको छैन ।​​​

फाकफोकथुम गाउँपालिकाको वडा नम्बर १ र ३ मा शून्य मत पाएको हो । वडा नम्बर २ मा भने ६ मत पाएको थियो । ३ वडाको गणना सक्दा नेकपा एमालेका उम्मेदवार सुहाङ नेम्वाङले मतान्तर घटाएका छन् ।

२८ मतका साथ कांग्रेस अगाडि रहेको छ ।​

फाकफोकथुम १, २ र ३ नम्बर वडाको ४०६१ मतगणना सकिँदा काँग्रेसका डम्बर खड्का १ हजार ६५८ मतसहित अग्रस्थानमा छन् । दोस्रो स्थानमा रहेका एमालेका सुहाङ नेम्वाङले १ हजार ६३० मत पाएका छन् । 

यसअघि १ र २ वडामा कांग्रेस उम्मेदवार ८२ मतले अगाडि थिए ।

पहिचानवादी उम्मेदवार डकेन्द्रसिंह लिम्बूले ४३० भोट ल्याउँदा रास्वपाका मिलन लिम्बू ३०८ भोटका साथ चौथो स्थानमा छन् ।

यस क्षेत्रमा नेकपा एसका सम्मानित नेता झलनाथ खनाल चुनावी कमान्डर रहेका थिए ।

वडा नम्बर इलाम २ मा माधव नेपाल नेतृत्वको समाजवादी पार्टीबाट जीतबहादुर राई उम्मेदवार छन् ।