मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
माघ २७, २०७५
काठमाडौं – कृषिको १४औं त्रिवर्षीय योजना अवधिमा धानसहित केही कृषि उपजको उत्पादन मात्र लक्ष्य अनुसार भएको पाइएको छ । आर्थिक वर्ष २०७३/०७४ देखि शुरू भएको १४औं योजना अवधिमा धान, तरकारी र उखुको उत्पादन लक्ष्य अनुरूप भए पनि अधिकांश बालीको उत्पादनले लक्ष्य भेट्न सकेको छैन ।
कृषि तथा पशुपन्छी मन्त्रालयका अनुसार १४औं योजनामा धानको उत्पादन लक्ष्य ५५ लाख ६१ हजार मेट्रिक टन थियो । योजना अवधिको अन्तिम वर्ष चलिरहँदा उत्पादन भएको धानले सो लक्ष्य पूरा भएको मन्त्रालयले जानकारी दिएको छ ।
यसवर्ष धानको उत्पादन ५६ लाख १० हजार मेट्रिक टन भएको थियो । जुन १४औं योजनाको लक्ष्यभन्दा करीब ५० मेट्रिक टन बढी रहेको र लक्ष्य हासिल भएको मन्त्रालयले जानकारी दिएको छ ।
मन्त्रालयका अनुसार १४औं योजनामा गहुँको उत्पादन लक्ष्य २२ लाख १९ हजार मेट्रिक टन रहेको थियो । चालु आर्थिक वर्ष अर्थात् १४औं योजनाको अन्तिम वर्षमा आइपुग्दा गहुँको उत्पादन १९ लाख ४९ हजार मेट्रिक टन मात्रै हुन सकेको र योजनाको लक्ष्य हासिल नभएको मन्त्रालयले जानकारी दिएको छ । मन्त्रालयले गहुँ उत्पादनको लक्ष्य हासिल हुन सक्ने अवस्थामा रहेको प्रतिक्रिया दिएको छ ।
मन्त्रालयले १४औं योजनामा मकै उत्पादनको लक्ष्य २६ लाख ९६ हजार मेट्रिक टन राखेको थियो । चालु आर्थिक वर्षसम्म आइपुग्दा मकैको उत्पादन २६ लाख ४४ हजार मेट्रिक टन पुगेको र लक्ष्य हासिल हुन सक्ने अवस्थामा रहेको मन्त्रालयको प्रतिक्रिया रहेको छ ।
आलु तथा फलफूल उत्पादनको लक्ष्य समेत नभेटिएको मन्त्रालयले जानकारी दिएको छ । मन्त्रालयका अनुसार चालु आर्थिक वर्षमा आलुको उत्पादन ३० लाख ८८ हजार मेट्रिक टन पुगेको छ । योजना अनुसार चालु आर्थिक वर्षमा आलु उत्पादनको लक्ष्य ३२ लाख ५० हजार मेट्रिक टन पुर्याउने लक्ष्य रहेको थियो ।
१४ लाख ८० हजार मेट्रिक टन फलफूल उत्पादन गर्ने लक्ष्य राखेको सरकारले १४औं योजनाको अन्तिम वर्षमा आइपुग्दा १० लाख १० हजार मेट्रिक टन मात्रै उत्पादन पुर्याउन सकेको छ । योजना अनुसार लक्ष्य हासिल हुन सकेको र हासिल हुन सक्ने अवस्थामा रहेको कृषि तथा पशु विकास मन्त्रालयको प्रतिक्रिया छ ।
तरकारी तथा उखु १४औं योजनाको लक्ष्य अनुसार उत्पादन भएको मन्त्रालयको तथ्याङ्कले देखाएको छ । ४० लाख मेट्रिक टन तरकारी उत्पादन गर्ने लक्ष्य लिएकोमा चालु आर्थिक वर्ष सम्म आइपुग्दा तरकारीको उत्पादन ४१ लाख मेट्रिक टन पुगेको र योजनाको लक्ष्य हासिल भएको मन्त्रालयले उल्लेख गरेको छ ।
३४ लाख मेट्रिक टन उखु उत्पादन गर्ने लक्ष्य लिएकोमा चालु आर्थिक वर्षसम्म उखुको उत्पादन ३५ लाख ५८ हजार मेट्रिक टन पुगेको मन्त्रालयको तथ्याङ्क छ ।
तेलहन, उखु र तरकारीमा १४औं योजनाको लक्ष्य पुरा भएको मन्त्रालयको दाबी छ । ४ लाख ३८ हजार मेट्रिक टन दलहन उत्पादन गर्ने लक्ष्य लक्ष्य १४औं योजनाको रहेपनि चालु आर्थिक वर्षमा दलहनको उत्पादन ४ लाख १० हजार मेट्रिक टन पुगेको मन्त्रालयको तथ्याङ्कमा उल्लेख गरिएको छ ।
मन्त्रालयका अनुसार माछा, दूध र मासुमा समेत १४औं योजनाको लक्ष्य अनुसार उत्पादन पुग्न सकेको छैन ।
कृषि मन्त्रालय योजना तथा विकास सहायता समन्वय महाशाखा प्रमुख योगेन्द्रकुमार कार्कीले केही बालीमा लक्ष्य अलि बढी राखिएका कारण लक्ष्य नभेटिए पनि मुख्य बालीहरू लक्ष्य अनुसार नै उत्पादन भएको दाबी गरे ।
उनले मुख्य बालीको रूपमा धानलाई हेरिएको अवस्थामा धानको उत्पादन लक्ष्य अनुसार नै भएको बताए । ‘अन्य मन्त्रालयको तुलनामा हाम्रो मन्त्रालयको लक्ष्य लगभग पूरा भएको छ,’ उनले भने, ‘मुख्य बालीको उत्पादन लक्ष्य भेटिएको छ र केही बालीको लक्ष्य बढी राखिएका कारण अलिकति नपुगेको देखिएको हुनसक्छ ।’
चालु आर्थिक वर्ष २०७५/०७६ १४औं योजनाको अन्तिम आर्थिक वर्ष हो । राष्ट्रिय योजना आयोगले पन्ध्रौं योजना निर्माणको प्रक्रिया अघि बढाइसकेको छ ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...