अपडेटः मतगणना अन्तिम चरणमा, भाजपाले ३४५ सिट जित्दा काँग्रेसले ९६ सिट जित्यो

जेठ १०, २०७६

काठमाडौं– भारतीय लोकसभा निर्वाचनमा भारतीय जनता पार्टी (भाजपा) गठबन्धनले भारी बहुमत ल्याएको छ । सो पार्टीले नतिजा अन्तिम चरणमा पुग्दा ३४४ सिटमा जित हासिल गर्नुका साथै थप ८ स्थानमा अग्रता कायमै बनाएको छ । 

यस्तै काँग्रेसले ९६ स्थानमा मात्रै जित हासिल गरेको छ । 


ADVERTISEMENT

यसैगरी समाजवादी पार्टी र बहुजन समाज पार्टीको गठबन्धनले १५ सिट जितेको छ भने तृणमुलले २२ सिटमा जित दर्ता गराएको छ । 

यस्तै अन्य साना पार्टीले ४५ सिटमा जित हासिल गर्दा यो चुनावबाट हालसम्म नै भाजपालाई १७ सिट बढी मिलिसकेको छ । गत निर्वाचनमा भाजपाले जम्मा ३३६ सिट जितेको थियो । 

यस्तै काँग्रेसको ३२ सिट बढेको छ भने तृणमुलको नतिजा खस्किएको छ । तृणमुलले गत चुनावमा ३२ सिट जितेको थियो । 

अब १९ सिटको नतिजा मात्रै आउन बाँकी रहँदा भाजपाले बहुमतको सरकार बनाउने निश्चित भएको छ । 
 

जेठ १०, २०७६ मा प्रकाशित

प्रतिक्रिया दिनुहोस