डोटीको शिखर नगरपालिका–८ बस्ने ३० वर्षीया राजु दमाईको टाउकामा चोट लागेर मृत्यु भएपछि घटना शंकास्पद भएको जनाई पति कृष्णलाई जिल्ला प्रहरी कार्यालयले शनिवार नियन्त्रणमा लिएको छ । 

राजु गम्भीर घाइते रहेको खबर शुक्रवार प्रहरीलाई आएको र घटनास्थलमा गएर हेर्दा मृत्यु शंकास्पद देखिएकाले निजका पतिलाई नियन्त्रणमा लिइएको जिल्ला प्रहरी कार्यालयका प्रवक्ता तथा प्रहरी निरीक्षक कर्ण बोहराले बताए ।

टाउको फुटेको अवस्थामा रहेको र बाँकी शव परीक्षण प्रतिवेदन आएपछि मात्रै भन्न सकिने प्रहरी निरीक्षक बोहराले जानकारी दिए । घटना भएको दिन शुक्रवार एउटै कोठामा दमाई दम्पती मात्रै रहेको बुझिएको जिल्ला प्रहरी कार्यालयले जनाएको छ ।