स्वास्थ्य तथा जनसंख्या मन्त्रालयले थप नौ जनामा कोरोना संक्रमण देखिएको पुष्टि गरेको छ ।

मन्त्रालयका सहप्रवक्ता डाक्टर समीरकुमार अधिकारीले शुक्रवार साँझ एक विज्ञप्ति जारी गरेर कोरोना संक्रमितको संख्यामा ९ थपिएको जानकारी दिएका छन् । 

डाक्टर अधिकारीले दिएको जानकारीअनुसार हेटौंडा र भक्तपुरका ५४ र ४२ वर्षीया महिला, सप्तरीका ३५ वर्षीय पुरुष, बारा सीमरनगढ नगरपालिकाका ६ जना पुरुषमा संक्रमण पोजिटिभ देखिएको हो । 

यससँगै नेपालमा कोरोना संक्रमितको कूल संख्या ५ सय १६ पुगेको छ ।