संविधान संशोधनका दिन अनुपस्थित आफ्ना ४ सांसदलाई नेकपाले काट्यो पत्र, स्पष्टीकरण माग

ईश्वर अर्याल
ईश्वर अर्याल

पत्रकार अर्याल लोकान्तरका लागि राजनीति, समसामयिक घटनाक्रम र वैदेशिक रोजगारीमा रिपोर्टिङ गर्छन् ।

लिम्पियाधुरा, लिपुलेक र कालापानीसमेत समेटिएको नेपालको नक्सालाई निशान छापमा समेट्नका लागि भएको संविधान संशोधनका दिन अनुपस्थित भएका आफ्ना ४ सांसदसँग सत्तारुढ दल नेकपाले स्पष्टीकरण सोधेको छ ।

शनिवार संविधान संशोधन प्रस्ताव पारित हुँदाको दिन भोटिङमा अनुपस्थित रहेका सांसदहरू हरिबोल गजुरेल, शिवकुमार मण्डल, धनबहादुर बुढा र गोपालबहादुर बमलाई लिखित स्पष्टीकरण सोधिएको नेकपा संसदीय दलका उपनेता सुवास नेम्वाङले लोकान्तरलाई जानकारी दिए ।


Advertisement

५ दिनभित्र जवाफ पेस गर्न भन्दै चारै जनाको नाममा नेकपाले सोमवार पत्र काटेको छ ।

'के कति कारणले उपस्थित हुन नसक्नुभएको हो भनी हामीले जवाफ माग गरेका छौं, उहाँहरूले जवाफ पेस गरेपछि नै प्रस्ट होला,' उपनेता नेम्वाङले लोकान्तरसँग भने ।


Advertisement

भोटिङमा अनुपस्थित सांसदहरूले सार्वजनिक रूपमा भने अस्वस्थता लगायतका कारणले आफूहरूले ऐतिहासिक अवसर गुमाउनुपरेको बताउँदै आएका छन् ।

हेर्नुहोस्, पत्र :

ईश्वर अर्याल
ईश्वर अर्याल

लेखकबाट थप...

कमेन्ट गर्नुहोस्