सम्झौता विपरित मेलम्ची खानेपानी आयोजनामा ८ करोडभन्दा बढी भुक्तानी भएको पाइएको छ ।

मेलम्ची खानेपानी विकास समितिले एक निर्माण व्यवसायीलाई  ८ करोड १ लाख ४७ रुपैयाँ बढी भुक्तानी गरेको पाइएको हो ।  

महालेखा परीक्षकको ५७औं प्रतिवेदनअनुसार भुक्तानी भएको सो रकम २० प्रतिशतभन्दा बढी हो । 

समिति र निर्माण व्यवसायीबीच १५ प्रतिशत ओभरहेड समावेश गर्न मिल्ने गरी सम्झौता भएको थियो । तर भुक्तानीका क्रममा सम्झौता विपरित २० प्रतिशत ओभरहेड कायम गरिएको हो ।   

उक्त निर्माण व्यवसायीलाई ४६ औँ बिलसम्म नयाँ आइटमको नयाँ दरमा भेरिएसन गरेको कामको दर विश्लेषण गर्दा २० प्रतिशत ओभरहेड कायम गरी भुक्तानी गरेको पाइएको प्रतिवेदनमा उल्लेख छ ।