युरोपेली मुलुक स्लोभाकियामा एक महिलाले चोर समात्नका लागि अकल्पनीय काम गरेकी छन् । 
 

सर्बियाबाट आएका २४ वर्षीय चोर ब्राटिस्लाभामा मंगलवार राति पेट्रोल पम्पमा डकैती गर्न आएका थिए । 
 

कन्तूरबाट पैसा झिक्दै गर्दा ती ३६ वर्षीया चेक महिलाले चोरसँग कामक्रीडा गर्न थालिन् । चोर त्यसैमा अल्मलिएपछि प्रहरी अधिकारीहरू घटनास्थलमा आइपुगेका थिए । 

शुरूमा त चोर पेट्रोल पम्पमा दौडिँदै आयो र कर्मचारीहरूलाई पैसा निकाल्न लगायो । 

त्यसक्रममा उसले काउन्टरपछाडि रहेको एक कर्मचारीलाई धेरैपटक मुक्का हान्यो । अनि उसले नगद पनि निकालिदियो । 

त्यसपछि ऊ पछिल्तिर रहेको कार्यालयमा पस्यो जहाँ अर्का एक कर्मचारी थिए । 

कर्मचारीलाई उसले कन्तूर खोल्न लगायो । कन्तूर खोलिँदै गर्दा कुटाइ खाने कर्मचारी दौडिँदै बाहिर गयो र प्रहरीलाई फोन गर्‍यो । 
 

त्यसैबीचमा एक रहस्यमयी महिला आइन् र चोरसँग क्रीडा गर्न थालिन् । त्यसमा लागेर चोर त्यतै अल्मलियो । 
 

त्यतिखेरै प्रहरी आइपुग्यो र आरोपितलाई पक्राउ गर्‍यो । 

उसलाई पक्राउ गर्न प्रहरीले बल प्रयोग गर्नुपरेको थियो ।

ती व्यक्तिलाई अनुसन्धान पूरा नहुन्जेलसम्म हिरासतमा राखिएको छ ।