चीनको एक प्रसिद्ध पेय पदार्थ कम्पनीले आफ्नो उत्पादनमा स्त्रीद्वेषी नारा दिएको भन्दै सामाजिक सञ्जालमा आक्रोशको सामना गर्नुपरेको छ । त्यसपछि उक्त कम्पनीले माफी मागेको छ । 

सेक्सी टीशप नामक उक्त कम्पनीले एक कपमा महिलाको मोलतोल गर्ने भन्ने किसिमको शब्दावली उपयोग गरेको थियो । अनि पेय पदार्थका ग्राहकले ड्रिंक्सको प्रतीक्षा गर्दा महिलालाई छान्न सक्ने पनि लेखेको थियो । 

त्यसअघि उक्त शपले टीब्यागको विज्ञापनमा पनि यस्तो नारा राखेको थियो– मास्टर, आई वान्ट यू । त्यससँगै भ्यागुतोको बच्चोको तस्वीर राखिएको थियो जुन वीर्य जस्तो देखिन्छ । 

महिलालाई अपमान गर्ने उद्देश्य आफ्नो नभएको शपले पछि बतायो । 

कम्पनीले कपको नयाँ रेन्ज फिर्ता लिने र यसका लागि लज्जित भएको बताएको छ । 

प्रयोगकर्ताहरूले सेक्सी टीको मार्केटिङ क्याम्पेनमा पहिलेपहिले पनि स्त्रीलाई अपमान हुने नारा राख्ने गरिएको भन्दै आक्रोश पोखे ।