कोभिड-१९ केही महिनाको सुशुप्ततापछि अहिले फेरि बढेको देखिन्छ । यसमा सबै नेपाली सम्वेदनशील हुनु जरुरी छ । सुरक्षित उपायहरु भनेकै मास्क, स्यानीटाइजरको प्रयोग तथा सामाजिक दुरी हुन् । यसको पालना वर्षौवर्ष गर्नुपर्ने देखिन्छ ।

आन्तरिक वायुसेवा अति आवश्यक सेवा अन्तर्गत पर्दछ । बुध्द एयर त्यसै अनुरुप शुरुवातमै कोभिडविरुद्धका ‘सुरक्षा निर्देशिका’ बनाई यसका सम्पूणर् कर्मचारीहरुलाई सुरक्षा तालिम, जनजागरण तथा पिपिई प्रदान गरेको थियो, जुन अहिले पनि जारी नै छ ।

बुध्द एयरका बजार निर्देशक रुपेश जोशी भन्छन् - ‘संक्रमणरहित हवाई यात्राका लागि हामी प्रतिवद्ध छौं’ । यसका लागि हरेक यात्रुको कोभिडसँग मिल्दोजुल्दो लक्षण पहिचान, तापक्रम चेकजाँच, ह्याण्ड सेनिटाइजको प्रयोग अनिवार्य बनाएको छौं ।' उनी थप्छन्- हामीले हरेक उडानको यात्रु डाटावेश कम्प्युटरकृति गरेका छौं, सरोकारवाला निकायले मागेको खण्डमा हामी तुरुन्तै दिनसक्छौं ।' यसले करोना रोकथाममा सहायक हुने बजार निर्देशक जोशी बताउँछन् ।

बुध्द एयरका लगभग सबै कर्मचारीहरुले करोनाविरुद्धको पहिलो खोप लगाइसकेका छन् । अब दोस्रो डोज वैशाख १० भित्र लिइसक्ने विज्ञप्तिमा जनाएको छ । विज्ञप्तिमा भनिएको छ,'बुध्द एयर पूणर् सुरक्षित छन्, यात्रुहरु सुरक्षित उपायहरु अपनाई ढुक्क भएर यात्रा गर्नसक्छन् ।'

हवाई उडान पुनः शुरु भएपछि अर्थतन्त्र पनि चलायमान भएको छ । स-साना पसलदेखि ठूलठूला होटल, पर्यटकीय यातायात तथा गतिविधिहरु फेरि सुचारु भएका छन् । अहिले पुनः ठूलो जनशक्तिले रोजगार पाइरहेका छन् । तसर्थ उडान सहज सरल र संक्रमणरहित बनाउन यात्रुहरुको पनि उत्तिकै भूमिका रहेको हुँदा निर्देशिका पालना गर्न बुध्द एयरले अनुरोध गरेको छ ।