पूर्वमन्त्री प्रभु साह सहभागी रौतहटको मौलापुर नगरपालिकाको नगर सभामा झडप भएको छ ।

नगर सभाभित्र भएको झडप बाहिर पुग्दा प्रहरी र सर्वसाधारणबीच समेत झडप भएको छ ।

झडपमा ३८ सुरक्षाकर्मी घाइते भएका जिल्ला प्रहरी कार्यालय रौतहटका एसपी सिद्धिविक्रम साहले जानकारी दिए । घाइतेमा १२ जना नेपाल प्रहरी र २५ जना सशस्त्र प्रहरी रहेका छन् ।

उनका अनुसार झडपलाई नियन्त्रणमा लिन २३ राउन्ड अश्रुग्यास, १४ राउन्ड हवाइ फायर समेत गरिएको छ ।

राजनीतिक विवादले नगर सभामा झडप हुँदा स्थिति अनियन्त्रित भएर हिंसात्मक झडपको स्थिति बनेको प्रहरीले जनाएको छ ।