नेप्सेमा भारी वृद्धि, ९ कम्पनीको शेयरमा सकारात्मक सर्किट

धितोपत्र बजारमा शेयर कारोबार मापक नेप्से परिसूचक आइतवार उच्च अंकले वृद्धि भएको छ ।


Advertisement

गत हप्ता सामान्य अंकले सुधार भएको बजारमा यस साताको पहिलो कारोबार दिन नै नेप्सेमा ५४.३१ विन्दुले उकालो लागेर ३ हजार ५८.६३ मा पुगेको छ । 


Advertisement

ठूला कम्पनीको शेयर कारोबार मापन गर्ने सेन्सेटिभ परिसूचक ११.७४ विन्दुले बढेर ५७४.०२ मा पुगेको छ । नेप्सेमा उच्च अंकको वृद्धिसँगै कारोबार रकम पनि आइतवार उल्लेख्य वृद्धि भएको छ ।

कूल २२३ कम्पनीको ४ करोड ३९ लाख ३९ हजार २१२ कित्ता शेयर १४ अर्ब २३ करोड २४ लाख १७ हजार ४७२ रुपैयाँ मूल्यमा खरिद बिक्री भए । 


Advertisement

कारोबार भएका कूल १३ उपसमूहमध्ये आइतवार २ उपसमूहको शेयर ओरालो लाग्दा ११ उपसमूहको शेयर उकालो लागेको छ । होटल तथा पर्यटन २२.५ र सामूहिक लगानी कोष ०.२४ विन्दुले घटेको छ । बैंकिङ ७२.१४, व्यापार २.७१, विकास बैंक १३, जलविद्युत् ७१.६, निर्जीवन बीमा ४८.४२, उत्पादन ७१.८६, अन्य ६.६, लघुवित्त ८६.२३, जीवन बीमा ३०.८६ र लगानी ०.०४ विन्दुले बढेको छ । 

कारोबारका आधारमा आइतवार नेपाल बैंक शीर्ष स्थानमा रहेको छ । सो बैंकको ४९ करोड ७६ लाख ६५ हजार १८२ रुपैयाँ मूल्यमा खरिद बिक्री भए । ग्लोबल आईएमई बैंक ४९ करोड ४४ लाख ३९ हजार रुपैयाँ, एनसीसी बैंक ३४ करोड ७८ लाख ९८ हजार ५६८, अरुण काबेली पावर ३४ करोड २ लाख ६५ हजार ५३७ र एनआईसी एशिया बैंक ३३ करोड ८० लाख ४५ हजार ३५१ बराबरको कारोबार भई शीर्ष स्थानमा रहेको छ । 

नेप्सेका अनुसार विशाल बजार कम्पनी, ङादी ग्रूप अफ पावर, सपोर्ट माइक्रोफाइनान्स राधी विद्युत् कम्पनी पञ्चकन्या माई हाइड्रोपावर, कालिका पावर कम्पनी, जोशी हाइड्रोपावर, युनिभर्सल पावर र हमालयन ऊर्जा विकास कम्पनीको शेयरमा १० प्रतिशतले वृद्धि भई सकारात्मक सर्किट लागेको छ । 

लक्ष्मी उन्नती कोष ३.९५, कुमारी इक्विटी फण्ड ३.७०, लक्ष्मी बैंकको ऋणपत्र ३.३०, ओरियन्टल होटल २.८८ र प्रभू सेलेक्ट फण्डका लगानीकर्ताले २.७३ प्रतिशतले गुमाए । आइतवारको कारोबारपछि बजार पूँजीकरण ४२ खर्ब ५४ अर्ब ७५ करोड ३० लाख ३३ हजार ७५६ बराबर पुगेको छ ।

कमेन्ट गर्नुहोस्