आजकल पाँचमध्ये तीन मानिस आँखाको ज्योति कम हुने समस्याका कारण पीडित छन् । ठूला मानिसहरू मात्र नभई ससाना बच्चा पनि आजकल चश्मा लगाइरहेका भेटिन्छन् ।

खानपानमा पौष्टिकताको कमी अनि पूरै दिन मोबाइल वा टीभी हेर्दा आँखाको ज्योति घट्दै जान्छ । यस्तोमा गाजर आँखाका लागि लाभदायक हुन्छ । दिनदिनै यसको जुस पिउँदा आँखाको कमजोरी भाग्छ । पालुंगोको जुस पनि आँखाका लागि उत्तिकै लाभदायक हुन्छ । केही दिनसम्म लगातार यी जुसहरू पिउँदा आँखा बलियो हुन्छ ।

गाजरको जुस
आँखाले धमिलो देख्न थाल्यो भने दिनदिनै गाजरको जुस पिउनुस् । एक गिलास गाजरको जुसमा एउटा गोलभेंडाको रस मिसाएर पिउँदा धेरै लाभ प्राप्त हुन्छ । बिहानबिहानै यो मिक्स जुस पिउन थाल्नुस् ।

पालुंगोको जुस
हरियो पात भएको साग र तरकारी आँखाका लागि लाभदायक हुन्छ । हरियो तरकारीको सुप पनि स्वास्थ्यका लागि राम्रो हुन्छ । दिनदिनै एक गिलास पालुंगोको जुस पिउँदा भरपूर मात्रामा भिटामिन ए प्राप्त हुन्छ ।