×

NIC ASIA

पूर्वसभामुखको सरकारी गाडी मोह

पूर्वसभामुखलाई १५ वर्षपछि सरकारी गाडी चढ्ने रहर लागेपछि...

मन्त्रिपरिषद्‍बाट निर्णय गराएर कानूनमा नभएको सुविधा लिँदै ५ पूर्व सभामुख

पुस २७, २०७८

Prabhu Bank
NTC
Premier Steels

सभामुखको हैसियतको सेवासुविधा छाडेको १५ वर्षपछि नेपाली कांग्रेसका नेता तारानाथ रानाभाटले पूर्वसभामुखको हैसियतमा सरकारी गाडी र इन्धन लिन शुरू गरेका छन् । 

Muktinath Bank

२०६३ सालको जनआन्दोलनले प्रतिनिधि सभा पुनःस्थापना गरेपछि उनले सभामुखको हैसियतमा पाउँदै गरेको सुविधा छाडेका थिए ।


Advertisment
RMC TANSEN
IME BANK INNEWS
shivam ISLAND

सरकारी सुविधा छाडेको १५ वर्षपछि रानाभाटले संसद सचिवालयबाट पूर्व सभामुखको हैसियतमा गाडी, इन्धन र चालक सुविधा लिएका छन् । 


Advertisment
Nabil box
Kumari

आफ्नै पार्टीको सरकार भएको बेला मन्त्रिपरिषद्बाट निर्णय गराएर रानाभाटले सुविधा लिएका छन् । गाडी र चालकका अतिरिक्त रानाभाटले मासिक १०० लिटर इन्धन सुविधा पाएका छन् । 

Vianet communication

२०७८ कात्तिक २२ गते बसेको मन्त्रिपरिषद् बैठकले रानाभाटलाई सवारीसाधन उपलब्ध गराउने निर्णय गरेको हो । 

सवारी सुविधा माग गर्दै रानाभाटले संसद सचिवालयमा निवेदन दिएका थिए । संसद सचिवालयले मन्त्रिपरिषद्लाई पत्र लेखेर रानाभाटका लागि गाडी उपलब्ध गराउने निर्णय गरेको हो । 

‘संघीय संसदको च.नं. ५४६ मिति २०७८/१/१४ को पत्रबाट अनुरोध भई आएबमोजिम पूर्व सभामुख श्री तारानाथ रानाभाटका लागि एक सवारी साधन, हलुका सवारी चालक र प्रचलित मापदण्डबमोजिमको इन्धन बराबरको रकम मासिक रुपमा संघीय संसद सचिवालयले उपलब्ध गराउने’ मन्त्रिपरिषद्को निर्णयमा भनिएको छ ।

मन्त्रिपरिषद्को निर्णयपछि रानाभाटले संसद सचिवालयबाट बा १ झ ६०२३ नम्बरको इसुजु गाडी लिएर गएका छन् । गाडीसँगै चालक र पीए पनि लिएका छन् । 

मंसिर १ गते गाडी लिएका रानाभाटले मंसिर महिनाको लागि इन्धन र चालकको भाडासमेत लिएका छन् । हलुका सवारी चालकले मासिक २४ हजार तलब र दुई हजार महँगी भत्ता पाउँछन् । 

पूर्व सभामुखलाई गाडी सुविधा दिनेबारे कुनै ऐन र कानूनमा व्यवस्था नभए पनि मन्त्रिपरिषद्बाट पटके निर्णय गराएर पूर्वसभामुखहरूले सुविधा लिएको पाइएको छ । यस्तो सुविधा लिँदा ‘नेपाल सरकार (कार्यसम्पादन) नियमावली, २०६४’ लाई आधार बनाइएको छ । 

पाँच पूर्वसभामुखले गाडी लिए, दमननाथ मात्र अपवाद

२०४८ सालपछि सभामुख बनेकामध्ये दमननाथ ढुंगानाबाहेक सबै पूर्वसभामुखले संसद सचिवालयबाट गाडी सुविधा लिएका छन् । 

ढुंगाना २०४८ देखि २०५१ सालसम्म सभामुख थिए । लामो समय सक्रिय राजनीतिबाट अलग भएका ढुंगाना २०७४ सालमा भक्तपुर–२ बाट चुनाव लडेका थिए । एमालेका महेश बस्नेतसँग पराजित भएपछि उनी सक्रिय राजनीतिमा छैनन् । 

प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनले आयोजना गरेको धर्नामा उनी सहभागी भएका थिए । 

२०५१ सालदेखि २०५६ सालसम्म सभामुख रहेका रामचन्द्र पौडेल, २०६३ सालपछि सभामुख तथा २०६५ देखि २०७२ को कालखण्डमा संविधानसभाको अध्यक्ष बनेका सुवास नेम्वाङले पनि गाडी सुविधा लिएका छन् । 

२०७२ देखि २०७४ सालसम्म सभामुख बनेकी ओनसरी घर्ती र २०७४ देखि २०७६ असोजसम्म सभामुख बनेका कृष्णबहादुर महराले पनि पूर्वसभामुखको हैसियतमा गाडी सुविधा लिएका छन् । 

सभामुखबाट राजीनामा गरेलगत्तै महराले सुविधाका लागि निवेदन दिएकोमा मन्त्रिपरिषद्ले लामो समय ‘लिंगरिङ’ गरेर निर्णय गरेको थियो । २०७७ मंसिर १८ गतेको मन्त्रिपरिषद्को एउटै बैठकबाट महरा र पौडेललाई सुविधा दिने निर्णय गराइएको छ । 

आत्मनिर्भर हुँदासम्म लिइनँ, अहिले लिएँ- रानाभाट

१५ वर्षपछि सरकारी गाडी सुविधा लिएका रानाभाटले आफू आत्मनिर्भर हुँदासम्म गाडी सुविधा नलिएको र अहिले लिएको प्रतिक्रिया दिएका छन् । 

‘सुविधा लिएँ त के फरक पर्‍यो र ? १५–१६ वर्षसम्म म आत्मनिर्भर थिएँ, त्यसकारण सुविधा लिइनँ,’ उनले भने, ‘अहिले आवश्यक पर्‍यो अनि सुविधाका रुपमा एउटा गाडी लिएको छु ।’

उनले सरकारले उपलब्ध गराएको सेवा सुविधा सबै भने नलिएको दाबी गरे । 

hAMROPATRO BELOW NEWS
TATA Below
फागुन २८, २०७९

जसपाबाट उपराष्ट्रपतिमा रामसहाय यादवको उम्मेदवारी कायम भएको छ।  सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...

मंसिर ८, २०८०

‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...

मंसिर १६, २०८०

नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...

कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

पुस १०, २०८०

मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...

कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

मधेशमा चीनको उपस्थिति र सुरक्षा संवेदनशीलताका नाममा नेपालीले भोग्नुपर्ने सम्भावित सास्ती

जेठ १६, २०८१

जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...

समानुपातिक, समावेशिताः सिद्धान्त र व्यवहार

समानुपातिक, समावेशिताः सिद्धान्त र व्यवहार

जेठ १२, २०८१

नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...

काग र सुगाको सन्देश

काग र सुगाको सन्देश

जेठ १२, २०८१

एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...

x