नेकपा एमालेका अध्यक्ष केपी शर्मा ओलीले आफूले सरकार छोड्दा ११ महिनाको वस्तु तथा सेवाको आयात धान्न सक्ने गरी विदेशी मुद्राको संचिति राखेको बताएका छन् । 

उनले उक्त संचितिलाई अहिलेको सरकारले छोटो समयमा नै रित्याएको बताए ।

‘मेरो सरकार हुँदा करिब १ वर्षको आयात धान्ने गरी छोडेको विदेशी मुद्राको संचितिलाई यति छिटो अवधिमा कसरी सकिदै गयो ?' ओलीले प्रश्न गरे । 

यसले त अहिलेको सरकार अर्थतन्त्रका सूचकतर्फ ध्यान दिँदैन भन्ने स्पष्ट भएको पनि ओलीको भनाइ छ ।

अर्थतन्त्रका सूचक नकारात्मक हुँदै जानुमा अहिलेको सरकार आर्थिक क्षेत्र जोगाउनेतर्फ गम्भीर नभएको ओलीले भनाइ छ ।

उनले शोधनान्तर घाटा बढ्नु, विदेशी मुद्राको संचिति कम हुँदै जानु, आयात बढ्नु र निर्यातयोग्य बस्तुको उत्पादन नगर्नु अहिलेको सरकारको कमजोरी भएको पनि बताए ।

ओलीले आफ्नो आइतबार उद्योगी व्यवसायीसँगको अर्थतन्त्रको अवस्थाको बारेमा बोल्ने क्रममा अधिकांश समय देउवा सरकारको आलोचनामा गर्नमै खर्चिए ।