केही दिनयता चीनमा कोरोना भाइरस संक्रमितको संख्या बढ्न थालेको छ ।

संक्रमित बढ्ने मात्रै होइन, १ वर्षपछि शनिवार कोरोनाले २ जनाको मृत्युु भएको छ । 

अन्तर्राष्ट्रिय सञ्चारमाध्यम एएफपीका अनुसार चीनमा संक्रमित बढ्दा विश्वभर चिन्ता बढेको छ । कोरोनाको पहिलो पहिचान समेत चीनमै भएर विश्वभर फैलिएको थियो । यतिबेला चीनमा ३ हजारभन्दा बढी संक्रमित देखिएका छन् ।

कोरोना बढेपछि सरकारले सांघाईका स्कूल बन्द गरेको छ भने पूर्वाेत्तर क्षेत्रका शहरमा लकडाउन गरिएको छ । कोरोना संक्रमण रोकथामका लागि सरकारले आवश्यक तयारी गरिरहेको छ ।

कोरोना बढेपछि बेइजिङ आउने यात्रुको चेकजाँच अनिवार्य गरिएको छ । नयाँ आएको मान्छेले ७ दिनसम्म सार्वजनिकस्थल, सभा समारोहमा जान नपाउने मापदण्ड बनाइएको छ । 

विश्व स्वास्थ्य संगठन (डब्ल्यूएचओ) का अनुसार डेल्टाक्रोन संक्रमितको संख्या बढ्दै गएको छ । डेल्टाक्रोन कोरोनाको नयाँ भेरियन्ट हो ।