स्वास्थ्य वैज्ञानिकको शिखर सम्मेलन आजदेखि

स्वास्थ्य तथा  जनसङ्ख्या    वैज्ञानिकको आठौँ  शिखर  सम्मेलन  हुने  भएको  छ  ।

आइतबार  शुरू हुने  सम्मेलन  चैत  २९  गतेसम्म  हुने  जानकारी  शनिबार  आयोजित पत्रकार  सम्मेलनमा दिइयो ।

नेपाल  स्वास्थ्य  अनुसन्धान  परिषद्ले  आयोजना  गर्न  लागेको  वैज्ञानिकहरूको सम्मेलनको सम्पूर्ण तयारी पूरा भएको जानकारी परिषद्का सदस्यसचिव  डा.  प्रदीप  ज्ञवालीले  दिए ।

उनका अनुसार कोभिड १९ को महामारीका कारण विगतका दुईवटा  सम्मेलन  अनलाइनमा  भए  पनि  यो  पटक  भौतिक  रूपमै  हुन  लागेको हो ।

सम्मेलनको उद्घाटन स्वास्थ्य तथा  जनसङ्ख्यामन्त्री  विरोध  खतिवडाले गर्ने जानकारी दिँदै उनले विश्व  स्वास्थ्य  सङ्गठनका  प्रमुख  डा.  टेड्रोस  अधोनम  घेब्रेयससले  पनि  अनलाइनबाट  सम्बोधन  गर्ने  बताए । गोरखापत्र दैनिकमा खबर छ ।