×

X
Dabur
Nic Asia
Marvel

स्थानीय चुनाव

एमालेको चुनावी मनोविज्ञान : कांग्रेससँग त्रास, कांग्रेसकै मतदातासँग आश !

काठमाडाैं | बैशाख ५, २०७९

TVS INSIDE

स्थानीय तहको निर्वाचनका लागि उम्मेदवारी मनोनयनको दिन आउन ६ दिन मात्रै बाँकी रहँदा देशभर राजनीतिक दलहरू चुनावी तालमेल र उम्मेदवार चयनको रस्साकस्सीमा लागेका छन् ।

IME BANK INNEWS

स्थानीय सरकारको नेतृत्व आफ्नो पक्षमा पार्नका लागि राजनीतिक दलहरू मत विश्लेषण, चुनावी रणनीति र उम्मेदवार चयनसम्मका कामको चटारोमा छन् ।


Advertisment
NMB BANK
RMC TANSEN
Saurya island

निर्वाचनमा गठबन्धन गर्ने सैद्धान्तिक सहमति गरेका पाँच राजनीतिक दललाई तालेमलेको हिसाब मिलाउन असिनपसिन छ ।

संघीय सरकारको बागडोर समेत सम्हालेका कांग्रेस, माओवादी केन्द्र, एकीकृत समाजवादी, जनता समाजवादी र राष्ट्रिय जनमोर्चाले चुनावमा मोर्चाबन्दी गर्ने सैद्धान्तिक सहमति गरेका छन् । तर, स्थानीयस्तरमा सिट बाँडफाँटमा उनीहरूका लागि महाभारत जत्तिकै कठिन छ । उनीहरू नेकपा एमालेकाविरूद्ध गठबन्धन बनाइरहेका छन् । 

Vianet communication
Maruti inside

वैशाख ३० मा हुने निर्वाचनबाट एमालेलाई ‘साइजमा ल्याइदिने’ हुंकारसहित मोर्चाबन्दी गरेको पाँच दललाई सिट बाँडफाँडले हैरानी दिएको छ । 

एक्लै चुनावमा भिड्ने बताउँदै आएको एमाले पनि चुनाव नजिकिँदै गर्दा पाँच दल बाहिरका ससाना दललाई समेट्ने प्रयासमा लागेको छ । 

देशभर कहीँ पनि स्थानीय तहको नेतृत्वमा नभएको राष्ट्रिय प्रजातन्त्र पार्टी नेपाल र नेपाल परिवार दलले एमालेसँग चुनावी सहकार्य गर्ने भएका छन् । उनीहरू एमालेकै चुनाव चिह्नमा चुनावी मैदानमा खडा हुन सहमत भएका छन् ।  

यसले राजनीतिक दलहरू चुनावी चेपुवामा कसरी पेलिएका छन् भन्ने बताउँछ । २०७४ को स्थानीय तहको चुनावमा स्थानीय तहमा २९४ स्थानमा जितेर प्रमुख दल भएको एमाले पनि अहिले पाँच दलीय गठबन्धनसँग तर्सिरहेको छ । 

एमालेको मुख्य प्रतिस्पर्धी कांग्रेस र भर पनि कांग्रेसकै मतदाताको

सशक्त चुनावी प्रचार अभियान चलाइरहेको नेकपा एमालेले देशभर स्थानीय तहको निर्वाचनमा मुख्य प्रतिस्पर्धा कांग्रेससँग हुने विश्लेषण गरेको छ । एमालेका उपाध्यक्ष युवराज ज्ञवाली देशभर कांग्रेससँग नै चुनावी प्रतिस्पर्धा हुने बताउँछन् ।

‘एमाले सरकारमा हुँदा गरेको काम जनताले बुझेका छन् । जनता एकताको पक्षमा पनि छन् । विभाजनको पक्षमा छैनन् । त्यसो हुँदा विभाजित भएर गएका पार्टीलाई मत दिँदैनन् । एमालेको मुख्य प्रतिस्पर्धा कांग्रेससँग हो’, ज्ञवालीले भने ।

यसअघिको स्थानीय तहको चुनावमा कांग्रेस र माओवादी केन्द्रले चुनावी तालमेल गर्दा पनि स्थानीय तहमा एमाले नै पहिलो दल बन्न सफल भएको थियो । त्यसबेला एमालेले २९४ स्थानीय तहका जित्दा कांग्रेसले २६६ स्थानीय तहमा जित हात पारेको थियो । उक्त चुनावमा एमाले २४५ स्थानीय तहमा दोस्रो भएको थियो । कांग्रेस भने २९० स्थानीय तहमा दोस्रो भएको थियो ।

यसपटकको चुनावमा पनि देशव्यापीरूपमा एमाले र कांग्रेसको बीचमा नै मुख्य प्रतिस्पर्धा हुने एमालेको विश्लेषण छ ।

अनौपचारिक छलफलका क्रममा एमाले नेताहरू भन्छन्, ‘चुनावी गठबन्धन हुँदा कांग्रेसका कार्यकर्ताहरू गठबन्धनप्रति इमान्दार नहुने देखिएको छ । कांग्रेसले माओवादीलाई भोट हाल्दैनन् । त्यसको फाइदा एमालेलाई हुन्छ ।’ 

एमाले र माओवादीका कारण भोट काटिने चिन्ता

कुल ७५३ स्थानीय तहमध्ये कम्तिमा पनि ६० प्रतिशत अर्थात ४५० स्थानीय तहमा जीत निकाल्ने एमालेका नेताहरूको दाबी छ । जुन असाध्यै महत्वाकांक्षी आकलन हो । २०७४ को स्थानीय तहको निर्वाचनका बेला देशभर एमालेको माहोल थियो । नाकाबन्दीसँग ओली नेतृत्वको सरकार जुधेको, चीनसँग पारवहन सम्झौता गरेको लगायतको राष्ट्रियताको मुद्दा एमालेले देशव्यापीरूपमा स्थापित गरेको थियो । 

त्यस्तो अवस्थामा पनि एमालेले बल्लतल्ल ४० प्रतिशत स्थानमा जित हासिल गरेको थियो । तर, अहिले एमाले विभाजन भएको छ भने पाँच राजनीतिक दलले एमालेलाई घेराबन्दी गरेका छन् । 

केन्द्रीय नेताहरूले ६० प्रतिशत स्थानमा एमालेको जित आउने दाबी गरिरहँदा स्थानीय तहका नेता कार्यकर्ताको मनोविज्ञान भने अर्कै छ । एमालेको चुनावी जीतमा माओवादी केन्द्र र एकीकृत समाजवादी अवरोधक बन्न सक्ने स्थानीय नेता कार्यकर्ताको विश्लेषण छ ।

एमाले उदयपुरका जिल्ला तहका एक नेता केन्द्रीय नेताहरूले दाबी गरेजस्तो एमालेको चुनावी जीत सजिलो नभएको बताउँछन् ।

‘नेताहरूले चुनावी माहोल बनाउन ठूला तथ्यांकसहितको भाषण गर्नु स्वभाविक हो । तर, स्थानीय चुनावी अवस्था त्यति सजिलो छैन,’ उनले भने ।

पाँच दलीय गठबन्धनको तालमेल कसरी हुन्छ भन्ने आधारमा एमालेको चुनावी नतिजा कस्तो रहन्छ भन्ने निर्क्यौल हुने उनी बताउँछन् । 

‘पाँच दलीय गठबन्धन भयो भने एमालेलाई फाइदा हुन्छ । गठबन्धन हुँदा माओवादी केन्द्र र एकीकृत समाजवादीले नेतृत्व पाएको ठाउँमा कांग्रेसका कार्यकर्ता भोट हाल्न जाँदैनन् । ती स्थानमा जित्न एमालेलाई सजिलो हुन्छ’, जिल्ला तहका ती नेताले भने ।

तर, कांग्रेसले प्रमुख उम्मेदवारको टिकट पाएको ठाउँमा एमालेले जित्न कठिन हुने उनको विश्लेषण छ ।

‘कांग्रेसले टिकट पाएको ठाउँमा माओवादी र एकीकृत समाजवादीले एमालेकै भोट काट्ने हुन् । कांग्रेसको भोट बिग्रिँदैन । त्यसको बेफाइदा एमालेलाई हुन्छ’, उनले भने ।

२०७४ को तुलनामा अहिले एमालेको भोट बिग्रिएको स्थानीय तहका नेता कार्यकर्ताको विश्लेषण छ । तर, एमालेको नेतृत्व भने यसलाई स्वीकार गर्न तयार छैन । एमालेमा प्रवेशको लहर चलेको र हरेक दिन हजारौँ मानिस एमाले प्रवेश गरिरहेकाले जनतामा एमालेको आकर्षण रहेको नेताहरूको दाबी छ । एमाले अध्यक्ष केपी शर्मा ओली देश दौडाहामा रहेर चुनावी प्रचार गरिरहेका छन् ।

पढ्नुहोस्, यो पनि :

नेकपा एकीकृत समाजवादीका कार्यकर्ताहरू भने स्थानीय तहमा चुनाव नजिते पनि मूल उद्देश्य एमालेलाई चुनावमा हराउने नै हुने बताउँछन् । 

दोलखा जिल्लाका एमाले नेतामा पनि स्थानीय चुनावमा एकीकृत समाजवादीसँग संशय छ । अघिल्लो चुनावमा एमालेले जितेको दोलखाको भीमेश्वर नगरपालिका एमाले विभाजन भएकै कारण यसपटक जित्न मुश्किल पर्ने दोलखाका एमाले नेताहरू बताउँछन् ।

‘कांग्रेसको भोट बिग्रिएको छैन बरू बढेको छ । एमालेको भोट कम्युनिस्ट पार्टीहरूले नै काट्ने हुँदा नजिता प्रभावित हुने सम्भावना छ । तर, हामी अघिल्लो जीतलाई कायम गर्ने गरी तयारी गरिरहेका छौं’, दोलखाको जिल्ला तहको एक नेताले बताए । 

कांग्रेससँग गठबन्धन नभएको अवस्थामा माओवादी केन्द्र र एकीकृत समाजवादी मिलेर चुनावमा जाने अवस्था छ । एमाले र कांग्रेस एक्लाएक्लै प्रतिस्पर्धा गर्ने र माओवादी केन्द्रसँग समाजवादीले सहकार्य गर्ने अवस्थामा पनि बेफाइदा भने एमालेलाई हुने स्थानीय राजनीतिक कार्यकर्ताको विश्लेषण छ ।

TATA Below
NLIC
साउन २९, २०७९

आज (१४ अगस्ट) मा स्वतन्त्रता दिवस मनाइरहेको पाकिस्तान भूरणनीतिक अवस्थितिका कारण उच्च महत्त्वको मुलुक हो ।  भूरणनीतिक अवस्थितिको लाभ पाकिस्तानका अभिजात वर्गले उठाएको भए पनि सर्वसाधारणसम्म त्यसको प्रतिफल पुग्...

साउन २९, २०७९

राष्ट्रपति विद्यादेवी भण्डारीले नागरिकता विधेयक–२०७९ पुनर्विचारका लागि प्रतिनिधि सभामा फिर्ता पठाइदिएकी छिन् । संघीय संसदको दुवै सदनबाट पारित भइ प्रमाणीकरण भएर राष्ट्रपतिकोमा पठाइएका विधेयक फिर्ता गर्ने द...

साउन २७, २०७९

प्रतिनिधिसभा चुनावको मिति घोषणा भएपछि सरकारका मन्त्रीहरूको ध्यान सिंहदरबारभन्दा निर्वाचन क्षेत्रमा केन्द्रित हुन थालेको छ । जागिर धान्न सिंहदरबार गएपनि मन्त्रीहरू बिहान बेलुका कार्यकर्तासँगको भेटघाटमा व्यस्त छन् ...

साउन २६, २०७९

अमेरिकाको फौजदारी अनुसन्धान संस्था एफबीआईले पूर्वराष्ट्रपति डोनल्ड ट्रम्पको मार–ए–लागो नामक महलमा छापा मारेर खानतलासी गरेपछि अमेरिकामा गृहयुद्ध शब्द चर्चामा आएको छ ।  राष्ट्रपति कार्यकालको अन्...

साउन २९, २०७९

दुवै सदनले पारित गरेर प्रमाणीकरणका लागि राष्ट्रपतिसमक्ष पुगेको नागरिकता विधेयक शीतल निवासमा अझै अध्ययनकै क्रममा छ ।  सरकारले संसद्मा प्रस्तुत गरेको नागरिकता ऐन संशोधन विधेयक प्रतिनिधिसभाबाट साउन ६ र ...

साउन २६, २०७९

नेकपा एमालेबाट विद्रोह गरेर नयाँ दल बनेको १ वर्ष पनि नबित्दै नेकपा एकीकृत समाजवादीभित्र गुट उपगुटको छिनाझप्टी उत्कर्षमा पुगेको छ ।  एमालेभन्दा ठूलो दल हुने भनेर गत वर्षको भदौ ९ गते निर्वाचन आयोगबाट ए...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x