रथको पांग्राले किच्दा १ जनाको मृत्यु

भक्तपुर गहिटीबाट बंशगोपालतर्फ लाँदै गरेको विस्केट जात्राको रथको पाङ्ग्राले किच्दा एक जनाको मृत्यु भएको छ । 

सूर्यविनायक नगरपालिका-५ घर भएका ७१ वर्षीय दुर्गामान कस्पालको सोमवार साँझ मृत्यु भएको हो ।

नासमाना चोकमा बसी जात्रा हेर्दै गरेको अवस्थामा रथको पाङ्ग्राले किच्दा गम्भीर घाइते भएका उनको भक्तपुर अस्पतालमा उपचारको क्रममा मृत्यु भएको हो । 

यस सम्बन्धमा थप अनुसन्धान भइरहेको प्रहरीले जनाएको छ ।