प्रतिनिधि सभाको बैठक आज (मंगलवार) बस्दै छ ।

बैठक बिहान ११ बजे बस्न लागेको हो ।

आज बस्ने बैठकमा अर्थमन्त्री जनार्दन शर्माले आइतवार संसदमा प्रस्तुत गरेको आगामी आर्थिक वर्ष २०७९/८० को बजेटबारे छलफल हुने छ । 

संघीय संसदको महासचिव डा. भरतराज गौतमले  बजेटमाथि छलफल गर्ने सम्भावित कार्यसूची रहेको जानकारी दिए ।

बैठकको शुरूमा अर्थमन्त्री जनार्दन शर्माले आगामी आर्थिक वर्षको बजेटमाथि सामान्य छलफल शुरू गरियोस् भन्ने प्रस्ताव प्रस्तुत गर्नेछन् । 

त्यसपछि बजेटमाथि छलफल शुरू हुनेछ ।

बजेटको छलफल तीन दिनसम्म चल्नेछ ।