बुधवार बिहान बागमती प्रदेश, गण्डकी प्रदेश, कर्णाली प्रदेश र सुदुरपश्चिम प्रदेशका थोरै स्थानहरूमा हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ ।

विभागले बुधवार बिहान एक बुलेटिन जारी गर्दै अहिले देशभर  आंशिक देखि सामान्य बदली रहेको र केही स्थानहरूमा वर्षा भइरहेको जनाएको हो ।

हाल देशभर मनसुनी वायुको सामान्य प्रभाव रहेको विभागको भनाइ छ । 

बुधवार रातिसम्म  देशभर आंशिकदेखि सामान्य बदली रहनेछ। 

देशका  प्रदेश नं १ र बाग्मती प्रदेशको पहाडी भु-भाग लगायत गण्डकी प्रदेश, लुम्बिनी प्रदेश र कर्णाली प्रदेशका केही स्थानहरूमा र बाँकी भु-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको विभागको भनाइ छ । 

विभागले बागमती प्रदेश, गण्डकी प्रदेश, लुम्बिनी प्रदेश र कर्णाली प्रदेशका एक-दुई स्थानहरूमा भारी वर्षाको पनि सम्भावना रहेको समेत जनाएको छ ।