सार्वजनिक खरिद अनुगमन कार्यालयले समयमै काम नगर्ने व्यवसायी तथा निर्माण कम्पनीलाई कालोसूचीमा राखेको छ । 

कार्यालयले सोमवार एक सूचना जारी गर्दै १० कम्पनीलाई कालोसूचीमा राखेको जानकारी दिएको छ ।

कालोसूचीमा पर्नेहरूमा वीरगञ्ज उपमहानगरपालिकामा रहेको देवेन्द्र तेल उद्योग, अछाममा रहेको धर्यता निर्माण कम्पनी लगायत छन् । 

प्यासेफिक कन्स्ट्रक्सन एन्ड कन्सल्टेन्सी प्रालि र लामा/च्याङ्गमिला/सुन्दरी  जेभी बाहेक ती कम्पनीहरू सबैलाई एक एक वर्ष कालोसूचीमा राखिएको कार्यालयले जनाएको छ ।

प्यासेफिकलाई भने एक वर्ष ३ महिना कालोसूचीमा राखिएको छ भने जेभीलाई १ वर्ष छ महिना कालोसूचीमा राखिएको छ ।