धितोपत्र बजारमा शेयर कारोबार मापक नेप्से परिसूचक मंगलवार दोहोरो अंकले उकालो लागेको छ । 

नेपाल स्टक एक्सचेञ्जका अनुसार नेप्से परिसूचक १५ दशमलव ९२ अंकले उकालो लागेर १ हजार ८३१ दशमलव ०५ मा पुगेको छ । 

ठूला कम्पनीको कारोबार मापन गर्ने सेन्सेटिभ परिसूचक २ दशमलव ५४ अंकले उकालो लागेर ३५८ दशमलव १४ मा पुगेको छ ।

कूल २२९ कम्पनीको २१ लाख ७ हजार ७४२ कित्ता शेयर ६६ करोड ३० लाख १३ हजार रुपैयाँ मूल्यमा कारोबार भयो । कारोबार भएका कूल १३ उपसमूहमध्ये ११ उपसमूहको शेयर मूल्य उकालो लागेको छ भने २ उपसमूहको शेयर मूल्यमा भने गिरावट आएको छ ।

नेप्सेका अनुसार कारोबार भएकामध्ये रिडी पावर कम्पनी शीर्ष स्थानमा छ । कम्पनीको २ करोड ८५ लाख ३१ हजार ४४७ बराबरको कारोबार भयो । नबिल बैंक २ करोड ६१ लाख ६८ हजार ११७, सानिमा माई हाइड्रोपावर २ करोड २६ लाख १९ हजार ५८९, नेष्डो समृद्धि लघुवित्त २ करोड १८ लाख ४० हजार ६५० र हिमालयन डिस्टिलरी १ करोड ७९ लाख ९८ हजार बराबरको कारोबार भई शीर्ष ५ भित्र पर्न सफल भएका छन् ।

नेप्सेका अनुसार सामुदायिक लघुवित्त ९ दशमलव ९७, अभियान लघुवित्त ६ दशमलव ०७, अप्पर हेवा खोला हाइड्रोपावर कम्पनी ६ दशमलव ०३, हिमालयन पावर पार्टरन ५ दशमलव ९९ र माउण्टेन इनर्जी नेपालका लगानीकर्ताले ५ दशमलव ७१ प्रतिशतले कमाएका छन् ।

गरिमा विकास बैंकको ऋणपत्र १०, एभरेष्ट बैंकको ऋणपत्र ५ दशमलव ८८, समालिङ पावर ४ दशमलव ६८, वेष्ट फाइनान्स कम्पनी ३ दशमलव ६४ र रुरु जलविद्युत् परियोजनाका लगानीकर्ताले ३ दशमलव ४२ प्रतिशतले गुमाएका छन् ।