कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
असोज २५, २०७९
नेपाली कांग्रेस र नेकपा एमालेका पदाधिकारी भिड्न लागेको स्याङ्जा २ मा यसपटक चुनावी प्रतिस्पर्धा रोचक हुने भएको छ ।
स्याङजा २ मा सत्ता गठबन्धनका तर्फबाट नेपाली कांग्रेसका उपसभापति धनराज गुरु ङ उम्मेदवार बनेका छन् । नेकपा एमालेबाट सचिव पद्मा अर्याल चुनावी मैदानमा छिन् । राप्रपालगायत केही साना दल र स्वतन्त्र उम्मेदवार चुनावी मैदानमा छन् ।
नेपाली कांग्रेसको १४ औं महाधिवेशनमा पार्टीका प्रभावशाली नेता विजयकुमार गच्छदारलाई पराजित गरेर उपसभापति बनेका गुरुङका लागि संसदीय निर्वाचनको प्रतिस्पर्धा भने पहिलो हो । २०६४ र २०७० सालको संविधानसभामा गुरुङ समानुपातिकबाट सांसद थिए ।
राष्ट्रियताको पक्षमा चट्टानी अडान र भ्रष्टाचारविरुद्ध अभिव्यक्ति दिएर उनी चर्चामा रहने गरेका छन् । संविधानसभामा जातीय राज्यको बहस हुँदा उनले विरोध गरेका थिए । गोपालमान श्रेष्ठ समानुपातिकको बन्दसूचीमा बसेपछि धनराजलाई टिकट पाउन धेरै मेहनत गर्नु परेन ।
२०७४ सालको प्रतिनिधिसभा निर्वाचनमा नेपाली कांग्रेसका नेता एवं बहालवाला उपप्रधानमन्त्री गोपालमान श्रेष्ठलाई पराजित गरेर पद्मा चर्चामा आएकी थिइन् ।
केपी ओली सरकारमा लामो समय भूमिसुधार र कृषि तथा पशुपन्छी मन्त्री बनेकी थिइन् । पद्मा भूमिसुधार मन्त्री रहेको समयमा नेपालको चुच्चे नयाँ नक्सा जारी भएको थियो भने सगरमाथाको उचाइ नापिएको थियो ।
गत वर्षको मंसिरमा चितवनको सौराहामा भएको महाधिवेशनबाट अर्याल एमाले सचिव बनेकी थिइन् । त्यसअघि उनी एमाले स्याङ्जाको अध्यक्ष बनेकी थिइन् । यसअघि चुनाव जितेको, पार्टी पदाधिकारी र महिला उम्मेदवार भएका कारण पार्टीमा टिकट पाउन पद्मालाई पनि कुनै कसरत गर्नु परेन ।
यस्तो छ अंकगणित
विगतमा स्याङ्जालाई नेपाली कांग्रेसको गढ मान्ने गरिएको थियो । गोपालमान श्रेष्ठले एकछत्र रजाईं गरेको स्याङजामा २०७४ सालको चुनावमा लालझण्डा गाडिएको थियो ।
वामपन्थी तालमेलका कारण २०७४ सालको प्रतिनिधिसभामा स्याङ्जाका दुवै क्षेत्रमा नेकपा एमाले विजयी भएको थियो ।
पद्माले गोपालमानलाई पराजित गरेकी थिइन् । पद्माले ३५ हजार १ सय ४२ मत प्राप्त गर्दा गोपालमानले ३१ हजार ४ सय ३६ मत प्राप्त गरेका थिए । ३ हजार ७ सय ६ मतअन्तरले पद्मा विजयी भएकी थिइन् ।
२०७९ सालसम्म आइपुग्दा पाँच वर्षअघिको समीकरणमा फेरबदल भएको छ । नेकपा एमाले विभाजनको असर धेरै नदेखिएपनि स्थानीय तहको मतपरिणाम अनुसार स्याङ्जामा एमाले दोस्रो पोजिसनमा छ ।
गत वैशाखमा सम्पन्न स्थानीय तह निर्वाचनको वडा तहको मतमा कांग्रेस पहिलो छ । कांग्रेसले ३६ हजार ८ सय ६ मत पाउँदा एमालेले ३४ हजार ८ सय ९ मत पाएको छ । गठबन्धनका अन्य दलको हैसियत पनि मजबुत छैन । माओवादी कमजोर रहेको स्याङ्जा २ मा स्थानीय तह निर्वाचनमा उसले मात्र १ हजार २४३ मत पाएको थियो भने नेकपा एसको नगन्य अर्थात् २ सय ३३ मत थियो ।
पद्मा आफ्नो जीत दोहार्याउने दाउमा छिन् भने धनराजले इतिहास रच्ने लक्ष लिएका छन् ।
धनराज अर्जुनचौपारी गाउँपालिकामा पर्ने रापाकोटमा जन्मेका हुन् । वालिङ नगरपालिका (साविक थुमपोखरा गाविस)मा जन्मेकी पद्मा विवाह गरेर रापाकोट नै पुगेकी थिइन् । अहिले भने पद्माको घर वालिङमा छ ।
प्रतिनिधिसभातर्फ टिकट नपाएका माओवादी केन्द्रका एक जिल्ला नेताले स्याङ्जामा दुवै उम्मेदवारबीच तीव्र प्रतिस्पर्धा रहेको विश्लेषण गरे ।
‘स्याङ्जामै बसेर जिल्लाको विकासमा खेलेको भूमिका पद्माका लागि चुनाव जित्न बलियो पक्ष हो,’ उनले भने, ‘अर्कातर्फ उम्मेदवार को भन्दा पनि रुखले जित्छ भन्ने अर्को मनोविज्ञान छ ।’
न्युन संख्या भएपनि नेकपा माओवादी केन्द्र र नेकपा एसको मत निर्णायक रहेको कांग्रेसकै नेताहरू बताउँछन् ।
स्याङ्जामा माओवादीभित्र नेता पर्याप्त भएपनि कार्यकर्ता नभएको भनेर टिप्पणी हुने गरेको छ । यसअघि प्रभावशाली मानिएका सूर्यप्रसाद गैरे पारस एमाले प्रवेश गरेपछि माओवादी थप कमजोर भएको छ । उनी अहिले एमालेको जिल्ला अध्यक्ष छन् ।
गैरे गएपछि प्रकाश न्यौपाने माओवादीको जिल्ला संयोजक छन् । प्रतिनिधिसभा कांग्रेस र प्रदेश सभा माओवादी र एसलाई दिने सहमतिविपरीत कांग्रेसका कतिपय नेताले बागी उम्मेदवारी दिएका छन् ।
बागी उम्मेदवारी फिर्ता गरेर गठबन्धनका साझेदार दलको विश्वास जित्नु धनराजका लागि चुनौती रहेको जिल्लाका नेताहरू विश्लेषण गर्छन् ।
सत्ता गठबन्धन एकातर्फ हुँदा स्थानीय तह निर्वाचनमा जिल्लामा गरेको सशक्त प्रदर्शन र कांग्रेसको हाराहारी मत रहे पनि चुनाव जित्न पद्माका लागि चुनौती छ ।
पटक–पटक प्रतिनिधिसभा विघटन गरेको अपजस एमालेमाथि लाग्दै आएको छ । त्यो आरोपलाई चिर्दै जनतामा जानुपर्ने चुनौती पद्मासामु छ ।
मंसिर– ४ गते हुने प्रतिनिधिसभा निर्वाचनमा पार्टीका केन्द्रीय पदाधिकारीलाई जिताउने चुनौती भने जिल्लाका नेताहरूको काँधमा देखिएको छ ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...