नेकपा एमाले परित्याग गरेर प्रतिनिधि सभातर्फ रुपन्देही क्षेत्र नम्बर १ बाट स्वतन्त्र उम्मेदवारी दिएका घनश्याम भुसालले चुनाव चिह्न ‘त्रिभुज’ पाएका छन् । मुख्य निर्वाचन अधिकृतको कार्यालयले उनलाई बुधवार चुनाव चिह्न ‘त्रिभुज’ दिएको हो । 

एमाले परित्याग गरेका भुसाललाई सत्ता गठबन्धनले पनि समर्थन गरेको छ । सत्ता गठबन्धनमा नेकपा माओवादी केन्द्रको भागमा परेको उक्त क्षेत्रबाट एमालेले छबिलाल विश्वकर्मालाई उम्मेदवार बनाएको छ । 

त्रिभुजको एउटा भुजाले लोकतन्त्र, अर्को भुजाले सामानिक न्याय र अर्को विकास जनाएको अर्थ्याएर निर्वाचन चुनाव चिन्ह छानिएको भुसालका स्वकीय सचिव मनोज रिजालले जानकारी दिए । भुसालले २२ गते एमाले परित्याग गरेका थिए । भुसाललाई सत्ता गठबन्धनले सघाएको छ ।