आर्यन र उपासनाको ‘डिसेम्बर फल्स’को ट्रेलर सार्वजनिक

पुसको १५ गतेदेखि प्रदर्शनमा आउने तयारीमा रहेको नेपाली चलचित्र ‘डिसेम्बर फल्स’को ट्रेलर सार्वजनिक गरिएको छ ।

बिहीवार राजधानीमा एक कार्यक्रमकाबीच आर्यन सिग्देल र उपासना सिंह ठकुरी अभिनित चलचित्रको ट्रेलर सार्वजनिक गरिएको हो ।

सार्वजनिक ट्रेलरमा आर्यन र उपासनाबीचको प्रेमलाई मुख्य स्थान दिइएको छ । द्धन्द्ध र सस्पेन्सका दृश्यहरु ट्रेलरमा छन् । 

लभस्टोरी र एक्सन जनरामा निर्माण भएको चलचित्रलाई प्रविण झाले निर्देशन गरेका हुन् ।

विपिका खनालको कथा, केदार भुसाल र प्रतिक पौडेलको पटकथा एवं संवाद रहेको चलचित्रमा रामप्रसाद रिजाल प्रस्तुतकर्ता एवं निर्माता छन् ।

राज कुमार भट्ट पनि निर्माता रहेको चलचित्रमा लक्ष्मण रिजाल र असिम काफ्ले कार्यकारी निर्माता छन् ।

चलचित्रमा सलोन बस्नेत, शिवहरी पौड्याल, नागेन्द्र रिजाल, नरेश भट्टराई लगायतको पनि अभिनय छ ।