कुमारी बैंक लिमिटेडले नवीनतम र भरपर्दाे बैंकिङ सुविधा योजनाहरू  उपलब्ध गराउँदै आफ्नो २२ औं वार्षिकोत्सव मनाएको छ ।

यस वार्षिकोत्सवको अवसरमा कुमारी बैंक लिमिटेडले आफ्ना सम्पूर्ण ग्राहक तथा शुभचिन्तकहरूलाई कृतज्ञता ज्ञापन गर्दैे आफ्नो सफलतामा महत्वपूर्ण भूमिका निर्वाह गर्ने सम्पूर्ण ग्राहकवर्गको सहयोग तथा विश्वासप्रति हार्दिक आभार व्यक्त  गरेको छ ।

 कुमारी बैंक लिमिटेड देशकै अग्रणी बैंक बन्ने आफ्नो परिकल्पना तथा योजनाअनुरूप आफ्ना ग्राहकहरूलाई उत्कृष्ट बैंकिङ सेवा तथा वित्तीय सुविधाहरू प्रवाह गर्न हरदम प्रतिबद्ध छ । 

कुमारी बैंक लिमिटेडको २२ औं वार्षिकोत्सवको उपलक्ष्यमा बैंकले आफ्ना ग्राहकहरूका लागि विभिन्न विशेषतायुक्त बैंकिङ सुविधा योजना प्रस्तुत गरेको छ  ।

ग्राहकहरूलाई थप वचत गर्ने अवसर प्रदान गर्दै सम्पूर्ण वचत खाताहरूमा लकर मार्जिनमा ७५% छुट प्रदान गर्दै विभिन्न साझेदारहरू मार्फत थप सुविधाहरू पनि प्रस्तुत गरेको छ ।  

कुमारी बैंक लिमिटेडको २२ औं वार्षिकोत्सवको अवसरमा बैंकले क्रेडिट कार्ड प्रयोगकर्ताहरूका लागि निःशुल्क दर्ता गर्ने तथा वार्षिक शुल्कहरूमा पनि छुट प्रदान गरेको छ ।

साथै, कुमारी बैंक लिमिटेडले प्रारम्भिक बिज रकमलाई छोटो समयमै ५ देखि सय गुणा वृद्धि गर्ने विशेष योजना ‘रिकरिङ मुद्दति’ खातासमेत सञ्चालनमा समेत ल्याएको छ । 

कुमारी बैंकले आफ्ना देशव्यापी ३०४ शाखा सञ्जाल, २९५ एटिएम, ६२ शाखारहित बैंकिङ सुविधा तथा ४८ एक्सटेन्सन काउन्टरबाट अत्याधुनिक बैंकिङ सुविधाहरू प्रवाह गर्दै आएको छ ।

आगामी दिनहरूमा अझ सुरक्षित, सरल, सुलभ तथा उत्कृष्ट सेवा प्रदान गरी नेपालको बैंकिङ जगतलाई डिजिटल बैंकिङ तर्फ अग्रसर गराउन कुमारी बैंक लिमिटेड प्रतिबद्ध छ ।