×

NMB BANK
NIC ASIA

नेकपा एमाले चितवनका अध्यक्ष रामप्रसाद न्यौपाने प्रतिनिधिसभा सदस्य निर्वाचनका लागि २०७९ असोज २३ गते जिल्लाको क्षेत्र नम्बर ३ बाट उम्मेदवारी दर्ता गराएर चुनावी प्रचारको तयारी जुटिसकेका थिए ।

Sagarmatha Cement
Muktinath Bank

सो क्षेत्रका बहालवाला सांसद एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ गोरखा गएको, अर्को मुख्य प्रतिस्पर्धी दल नेपाली कांग्रेसको उम्मेदवार नरहेको र जिल्लामा लामो समयदेखि क्रियाशील युवा नेता भएकाले उनको पक्षमा माहोल पनि बन्दै थियो । न्यौपानेको पुरानो गाउँ माडीदेखि अहिले बसोवास रहेको भरतपुरसम्मबाट सद्भाव र शुभकामना आइरहेको थियो ।


Advertisment
RMC TANSEN
IME BANK INNEWS
shivam ISLAND

तर, भदौ २६ गते एक्कासि पार्टीले उनको उम्मेदवारी फिर्ता लिइदियो । कांग्रेस छाडेर सत्ता गठबन्धनविरुद्ध बागी उम्मेदवारी दिएका दिनेश कोइरालालाई सघाउने निर्णयसहित केन्द्रकै पत्रका आधारमा उनको उम्मेदवारी फिर्ता भएको थियो ।


Advertisment
Nabil box
Kumari

त्यतिबेला कार्यकर्ताहरूले खुलेरै असन्तुष्टि व्यक्त गरे । न्यौपानेको मन पनि खुशी थिएन, तर पार्टीको एक जिम्मेवार योद्धा हुनुको नाताले त्यसलाई सहर्ष स्वीकारे ।

Vianet communication
Laxmi Bank

‘प्रचण्ड कमरेड गोरखा जानुभएको थियो । माओवादीबाट नेकपाकालीन जिल्ला अध्यक्ष यमबहादुर परियारसहितको टीमलाई पार्टीमा भित्र्याएका थियौं । निकै राम्रो माहोल बनिरहेको थियो,’ करीब ६ महिनाअघिको परिस्थिति स्मरण गर्दै न्यौपानेले लोकान्तरसँग भने, ‘तर, पार्टीले दिनेशजीलई समर्थन गर्दै उम्मेदवारी फिर्ता लिने निर्णय गरेपछि एउटा जिम्मेवार योद्धा हुनुको नाताले त्यसलाई सहर्ष स्वीकारें ।’

कांग्रेस एमालेको उम्मेदवार नहुनु र प्रचण्डले चितवन छाड्नुको फाइदा अन्तिममा राप्रपा उपाध्यक्ष विक्रम पाण्डेलाई भयो । दिनेशलाई जिताउने उनीसहित एमाले पार्टी पंक्तिको चाहनामा मतदाताले सकारात्मक सन्देश दिएनन् ।

अनेरास्ववियुकालीन आबद्धतासमेत गरी झण्डै ३० वर्ष एमाले राजनीतिमा बिताएका न्यौपानेका लागि चुनावी ‘ट्राजेडी’ यो नै पहिलो भने थिएन । २०७४ सालको प्रदेशसभा निर्वाचनमा उनलाई पार्टीले चितवन ३ (२) बाट उम्मेदवार बनाउने तयारी गरेको थियो । तर, वाम गठबन्धन र तत्कालीन सीट बाँडफाँडमा उनको टिकट खोसियो । उक्त क्षेत्रमा गठबन्धबाट माओवादीका रामलाल महतो विजयी भए । 

जिल्लामा राम्रो छाप छाड्न सफल एक युवा नेतालाई अहिले आएर बल्ल मत माग्दै जनताको घरदैलोमा पुग्ने अवसर जुरेको छ । उनलाई एमालेले चितवन क्षेत्र नम्बर २ बाट उम्मेदवार बनाएको छ । बाल्यकालमा हुर्केबढेको ठाउँ माडी (क्षेत्र नम्बर ३) भए पनि उनको बसोवास चितवन क्षेत्र नम्बर २ मै छ ।

क्याम्पसकालदेखि नै भरतपुर केन्द्रित भएर राजनीति गरेका न्यौपाने पार्टीको भरतपुर महानगर कमिटी अध्यक्ष हुँदै जिल्ला अध्यक्ष बनेका हुन् । चितवन २ मा भरतपुरका १० वटा वडा तथा कालिका नगरपालिका र इच्छाकामना गाउँपालिका पर्छन् ।

कठिन पारिवारिक स्थितिबाट उठेर निरन्तर संघर्ष

स्कूल जीवन माडीमै पूरा गरेका न्यौपाने कक्षा ५ मा पढ्दादेखि नै अनेरास्ववियुको प्रारम्भिक कमिटीमा अबद्ध भएका थिए । स्कूल पूरा गरेर भरतपुर आएपछि उनी २०५१ सालमा अनेरास्ववियुको जिल्ला कमिटी अध्यक्ष बने ।

२०५३ मा अनेरास्ववियुको जिल्ला सचिव बनेका उनी सोही वर्षबाट पार्टीमा पूर्णकालीन कार्यकर्ताका रूपमा जोडिए । २०५५ र २०५६ मा संगठनको जिल्ला अध्यक्ष बनेका न्यौपानेले २०५७ सालमा अनेरास्ववियुको केन्द्रीय सदस्य तथा नारायणी अञ्चल इञ्चार्जको जिम्मेवारी पाए ।

२०६३ सालमा पार्टीको चितवन जिल्ला कमिटी सदस्य बनेका न्यौपने त्यसयता जिल्लाको पार्टी राजनीतिमा निरन्तर क्रियाशील छन् ।

भरतपुर महानगर कमिटी अध्यक्ष, जिल्ला सचिवालय सदस्य, प्रदेश सदस्य हुँदै उनी २०७८ सालबाट जिल्ला कमिटी अध्यक्षका रूपमा क्रियाशील छन् ।

राजनीतिका हरेक आरोह–अवरोहमा निरन्तरता र संघर्षका पर्याय न्यौपाने कठिन पारिवारिक परिस्थितिबाट माथि उठेर स्थापित भएका नेता हुन् ।

एक वर्षको बीचमा बुवा, आमा र दाइको निधन भएपछि पारिवारिकरूपमा विक्षिप्त बन्न पुगेका न्यौपाने पारिवारिक पीडाबाट माथि उठेर राजनीतिमा क्रियाशील छन् ।

नेकपा एमाले चितवनकी पूर्व अध्यक्ष एवं राष्ट्रिय सभाको राष्ट्रिय सरोकार तथा समन्वय समितिकी सभापति पार्वती रावल न्यौपानेलाई कठिन परिस्थितिबाट माथि उठेर स्थापित भएको जुझारु नेताका रूपमा चिन्छिन् ।

‘उहाँ परिवारिकरूपमा पनि अप्ठ्यारो स्थितिबाट माथि उठेर अगाडि बढेको नेता हो । पार्टीमा जिम्मेवारी हुँदा पनि, नहुँदा पनि हरेक कालखण्डमा निरन्तर जोडिनुभयो,’ न्यौपानेलाई जिल्लाको नेतृत्व सुम्पिएर केन्द्रीय राजनीतिमा अगाडि बढ्दै गरेकी रावलले भनिन्, ‘देखेको कुरा निर्धक्कसँग भन्ने, जिल्लाको विकास र जिल्लावासीका हरेक समस्या समाधानका लागि चिन्तित रहिरहने नेताका रूपमा उहाँलाई चिन्छु ।’

पार्टीको विरासत फकाउने जिम्मेवारी

२०७० र २०७४ दुवैमा निर्वाचनमा निरन्तर एमालेले जितेको यस क्षेत्रमा २०७९ सालमा पराजय व्यहोर्नुपर्ने स्थिति बन्यो ।

राष्ट्रिय स्वतन्त्र पार्टीका सभापति रवि लामिछाने अप्रत्यासित मत ल्याएर निर्वाचित हुँदा एमाले उम्मेदवार कृष्णभक्त पोखरेल तेस्रो स्थानमा सीमित भए ।

लामिछाने ४९ हजार ३०० मत ल्याएर निर्वाचित हुँदा तत्कालीन सत्ता गठबन्धनका कांग्रेस उम्मेदवार उमेश श्रेष्ठले १५ हजार ९९ र एमाले उम्मेदवार पोखरेलले १४ हजार ६५२ मत पाएका थिए । 

नागरिकताका विषयमा रविले गरेको कानूनी कमजोरीका कारण ६ महिनाको बीचमा फेरि उपनिर्वाचन गर्नुपर्ने परिस्थिति बनेको छ ।

त्यसो त चितवन– २ एमालेको निकै राम्रो जनाधार भएको क्षेत्र हो । स्थानीय तह निर्वाचनको मत नियाल्ने हो भने यस क्षेत्रमा कांग्रेस–माओवादीसहित तत्कालीन सत्ता गठबन्धनले ल्याएको भन्दा केही बढी मत एमाले एक्लैको थियो ।

तर, मंसिर ४ को निर्वाचनमा रविको पक्षमा अप्रत्यासित माहोल बन्दा एमाले–कांग्रेस दुवैले आफ्नो संगठित मत पनि जोगाउन सकेनन् । 

यसपटक दुवै दल आ–आफ्नो अधिकतम मत संरक्षण गर्ने रणनीतिमा लागेका छन् । कांग्रेस–एमाले दुवैले स्थानीय तह निर्वाचनमा प्राप्त गरेको मध्ये ५० प्रतिशत मात्रै मत फिर्ता ल्याउन सकेको खण्डमा पनि त्रिपक्षीय प्रतिस्पर्धा हुने देखिन्छ ।

सोमवार उम्मेदवारी मनोनयन दर्ता गराएपछि मतदातासँग निरन्तर भेटघाट र सम्पर्कमा रहेका न्यौपाने निकै उत्साहजनक प्रतिक्रिया पाएको बताउँछन् ।

‘हिजो मात्र कालिका नगरपालिकामा पुगेको थिएँ, त्यहाँ निकै उत्साहजनक ढंगले जनसहभागिता भयो । सबैले सकारात्मक प्रतिक्रिया दिइरहनुभएको छ,’ न्यौपाने भन्छन्, ‘उम्मेदवारका हिसाबले नयाँ पनि, युवा पनि, जिल्लामा ३ दशकदेखि निरन्तर क्रियाशील नेता पनि भएको हिसाबले तपाईं योग्य उम्मेदवार हो भनेर भनिरहनुभएको छ ।’

अघिल्लोपटक अन्यत्र मत दिएका पार्टीका पुराना मतदाताहरू निरन्तर फर्किने र आफ्नो पक्षमा माहोल बनाउन सक्रिय हुने क्रम बढेको देख्दा उत्साहित रहेको उनले बताए । ‘मंसिर ४ मा अन्य विभिन्न चिह्नमा मतदान गरेका साथीहरू पनि अब यसपटक तपाईंलाई नै भोट दिने हो भनेर आउनुभएको छ । हाम्रो आन्तरिक सर्वेक्षण अनुसार पार्टीका ५० प्रतिशत मतदाता फर्किसक्नुभएको छ । बाँकी २५ प्रतिशत मात्र फर्काउन सकियो भने पनि चुनाव जित्न मुस्किल पर्ने छैन ।’

त्यसो त गुल्मी, पर्वत, स्याङ्जासहित पश्चिमी बेल्टबाट चितवन आएका मतदाताहरूमा पनि उनीप्रति विशेष सद्भाव पाइन्छ । 

‘गुल्मी, पर्वत, स्याङ्जातिरबाट आएका मेरा धेरै आफन्त र शुभचिन्तकहरू पनि यहाँ हुनुहुन्छ,’ न्यौपानेले भने, ‘लामो समयदेखि यहीँको सुखदुःखमा जोडिएको र निरन्तर यहीँ रहेकाले सबैजसो मतदाताले राम्रोसँग चिन्नुहुन्छ । त्यही अनुसार प्रतिक्रिया पनि दिइरहनुभएको छ ।’

चितवन– २ लाई एमालेले प्रतिष्ठाको विषय नै बनाएको छ । पार्टी उपाध्यक्ष सुरेन्द्र पाण्डे, सचिव गोकर्ण विष्ट, स्थायी कमिटी सदस्य काशीनाथ अधिकारी, पोलिटब्युरो सदस्यहरू गोकुल बास्कोटा र देवी ज्ञवाली तथा त्यस क्षेत्रका पूर्व सांसद कृष्णभक्त पोखरेल पार्टीको विरासत फर्काउन कम्मर कसेर लागेका छन् ।

पार्टीको ग्रासरुट अभियान तथा उपनिर्वाचनका लागि भनेर करीब एक महिनादेखि चितवनमा रहेका पोलिटब्युरो सदस्य एवं पूर्व मन्त्री गोकुल बास्कोटा आफूले निकै राम्रो माहोल पाएको बताउँछन् । ‘भदौरे बाढीले ल्याएको हिलो र फोहोर पखालिएर नारायणी अहिले कञ्चन बनेको छ । वैशाखमा नयाँ पालुवा पलाउन थाल्या छ । अब चैते हुरीको काम छैन,’ आफ्नै शैलीमा बास्कोटाले भने ।

सेवा प्रवाहमा सुशासनको प्रत्याभूति, युवाका लागि व्यवसायमैत्री नीति, महिलाहरूको क्षमता विकास र स्वरोजगारी अनि विकट पहाडी भूगोलका चेपाङ बस्तीदेखि भरतपुरसम्मलाई जोड्ने लक्ष्य लिएर अगाडि बढेका न्यौपाने आफूलाई चितवनको माटोले चिनेको उम्मेदवार भन्न रुचाउँछन् ।

'म यहाँको माटोले चिनेको उम्मेदवार हो । यही माटोमा हुर्किएँ । यहीँ बढें । यहीँ पढें । यहीँका हरेक सुखदु:खको साक्षी छु । मेरा लागि सबैभन्दा ठूलो चितवनका जनता हुन् ।  यसैका लगि राजनीतिमा जीवन समर्पित गरेको हुँ,' न्यौपाने भन्छन् । अहिलेसम्म लाभको पद धारण नगरेको र परीक्षण हुन बाँकी युवा नेता भएकाले पनि मतदातामा उनीप्रति सद्भाव पाइएको चुनावी अभियानमा खटिएका एमाले नेताहरू बताउँछन् ।

वैशाख १० गते हुने उपनिर्वाचनका लागि चितवन २ मा रास्वपाबाट सभापति रवि लामिछाने दोहोरिएर उम्मेदवार बनेका छन् । सत्ता गठबन्धनले कांग्रेसका जीतनारायण श्रेष्ठलाई उम्मेदवार बनाएको छ ।

hAMROPATRO BELOW NEWS
TATA Below
पुस १८, २०८०

देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x