प्रधानमन्त्री पुष्पकमल दाहाल ‘प्रचण्ड’ले प्रधानन्यायाधीश नियुक्तिका लागि सिफारिश गर्न यथाशीघ्र संवैधानिक परिषदको बैठक बोलाउने बताएका छन् ।

नेपाल बार एशोसिएशनका पदाधिकारी सहितले बिहीवार प्रधानमन्त्री निवास वालुवाटारमा भेटेर प्रधानन्यायाधीश नियुक्तिका लागि ध्यानाकर्षण गराएपछि प्रधानमन्त्री प्रचण्डले बैठक बोलाउने बताएका हुन् ।

‘हामीले प्रधानन्यायाधीशसहित अन्य रिक्त न्यायाधीशको नियुक्ति नहुँदा सर्वोच्च अदालतमा सेवाग्राहीहरूलाई अत्यन्त असर परेको भनेर ध्यानाकर्षण गराएका थियौं,’ बार अध्यक्ष गोपालकृष्ण घिमिरेले लोकान्तरसँग भने, ‘त्यसपछि यथाशीघ्र संवैधानिक परिषद् बैठक बोलाउने तयारी गरेको उहाँले हामीलाई भन्नुभयो ।’

संसदीय सुनुवाइ समितिका लागि आगामी बैशाख ३ गते संसदमा पेश गर्ने तयारी समेत गरेको भनेर प्रधानमन्त्री प्रचण्डले बारका पदाधिकारीलाई जानकारी गराएका थिए ।