इन्डियन प्रिमियर लिग (आईपीएल) क्रिकेटअन्तर्गत मंगलवार राति भएको खेलमा मुम्बई इन्डियन्सविरुद्ध लखनऊ सुपर जोइन्ट्सले अन्तिम ओभरमा बाजी पल्याएको छ ।

अन्तिम ओभरमा लखनऊका बलर मोहसिन खानले बाजी पल्टाउँदै टीमलाई ५ रनले जिताएका छन् ।

यो जीतसँगै लखनऊ अंकतालिकाको तेस्रो स्थानमा उक्लिएको छ भने प्लेअफमा पुग्ने लक्ष्य कायमै राखेको छ ।

शुरूआती ब्याटिङ गरेको लखनऊले २० ओभर खेल्दै ३ विकेटमा १७७ रन बनाएको थियो । जवाफी ब्याटिङ गर्दै मुम्बईले कमजोर शुरूआत गर्‍यो । अन्तिम ओभरमा मुम्बईले जीतका लागि ११ रन बनाउनुपर्ने थियो तर मुम्बईले लक्ष्य भेट्टाउन सकेन ।