स्वस्तिमा खड्का, वर्षा राउत र मुकुन भुषालको शीर्ष भूमिका रहेको फिल्म ‘एैंचो पैँचो’को प्रदर्शन मिति तय गरिएको छ । 

यो फिल्म भदौ १४ गतेदेखि प्रदर्शनमा आउने भएको छ । 

निर्माण कम्पनी र आरआर फिल्मबीच वितरण सम्झौता गर्दै जनै पूर्णिमाको अवसर पारेर फिल्म प्रदर्शनमा ल्याउने घोषणा गरिएको हो । 

निर्मात्री कृषा चौलागाईंको डेब्यु निर्देशकीय यो फिल्ममा स्वस्तिमा, वर्षा र मुकुनसहित विशाल पहारी, कोसिस क्षेत्री, सुशील सिटौला, शारदा गिरी लगायतको पनि अभिनय छ । 

पुरुषोत्तम प्रधानको छायांकन रहेको यो फिल्मको पटकथा अभिमन्यु निरवीले लेखेका हुन् ।