×

NIC ASIA

कालो कोटभित्रको सेतो शर्ट

काठमाडाैं | भदौ २४, २०८०

Prabhu Bank
NTC
Premier Steels

कोट नेपालीहरूको अनिवार्य पोसाकजस्तै बनिसकेको छ । विवाह-ब्रतबन्ध, भोजभतेर होस् वा बर्थडे पाटी जताततै कोट लगाउने चलन बढ्दो छ । पाटी भन्नेबितिक्कै पार्टीको कुरा पनि आइहाल्छ । अहिले पार्टी प्रवेश र परित्याग गर्दा समेत चट्ट कोट लगाउने चलन छ । 

Muktinath Bank

स्कुल-कलेज र विश्वविद्यालयको पोसाकमा पनि प्रायः कोट छुट्दैन । कोट-पाइन्टसँगै छालाको चिल्लो जुत्ता र आँखामा चस्मा लगाई ठाँटिएर हिँड्ने मान्छे अहिले जताततै भेटिन्छन् । एक जमाना थियो कोट लगाउने मान्छेको छुट्टै पहिचान हुन्थ्यो। खैर त्यो कुरा अहिले पुरानो भैसक्यो । अचेल जंगलको बाँदर र सडकको कुकुरलाई समेत कोट लगाइदिन्छ मान्छे ! 


Advertisment
RMC TANSEN
IME BANK INNEWS
shivam ISLAND

खासमा कोट धेरै रुचाइएको हो कि कोटको महत्त्व गिरेको हो ? त्यो भगवान् जानून् ! तर, कलियुगका भगवान् कोटमै सजिएर आउँछन् । अस्पतालको बेड होस् वा अदालतको बेन्च कोट नभई हुन्न । कोट लगाउनु अहिले सामान्य बनिसकेको छ। कालो, सेतो, खैरो कोट आदि । 


Advertisment
Nabil box
Kumari

एकताका दौरा सुरुवाल र टोपी सामन्तीको पहिचान भन्दै शर्ट पाइन्टमा ठाँटिएर सरकारमा गएका कमरेडले सत्ताच्युत भएपछि थाहा पाएछन् सत्ताको साँचो त सुरुवालको सुर्कोमा बाँधिएको हुँदो रहेछ। हुन पनि हो कम्मरमा पेटी बाँध्न नजान्नेले कसरी देशमा नीति नियम बाँध्थे होला र ! 

Vianet communication
एकताका दौरा सुरुवाल र टोपी सामन्तीको पहिचान भन्दै शर्ट पाइन्टमा ठाँटिएर सिंहदरबार छिरेका कमरेडले सत्ताच्युत भएपछि थाहा पाएछन् 'सत्ताको साँचो त सुरुवालको सुर्कोमा बाँधिएको हुँदो रहेछ।'

जे हुन्छ नेपाल मै हुन्छ। नेपालीले चान्स पाए गर्छ ! कोट पाइन्टमा ठाँटिएर जागिर खान एक कम्पनीमा अन्तर्वार्ता दिन गएको युवा कोटको रङ्ग र शर्टको बटन थाहा नपाएपछि फालिन्छ । ऊ अहिले खाडीमा पसिना बगाउँदै छ रे !

नसकिने भो ! दौरा सुरुवाल लगाएर सत्तामा बस्नेले युवालाई देशमै कोट लगाउने वातावरण नबनाई दिएपछि कसको के लाग्छ र ! हुन त स्वदेशमा भोटो लगाउन लाज मान्नेलाई पनि के नै भन्न सकिन्छ र ! आफ्नो पहिरन र पहिचान त्यागी विदेशी पहिरनमा रमाउने बढो प्रतिस्पर्धा जो चलेको छ।

विषय र प्रसंगले कुरा अनेकतिर घुमे पनि खासमा कुरा कालो कोटभित्रको सेतो शर्टको गर्नु थियो । अब त्यतैतिर जाऔं है त । च्याउ उम्रे झैँ उम्रेका कानूनमा स्नातक पढाइ हुने 'ल कलेज' आजभोलि जताततै छन् । पढ्न पाँचै वर्ष लाग्छ । बर्सेनि सयौं विद्यार्थी कानूनमा स्नातक गर्न प्रवेश लिन्छन् । एकथरि युवा जो १२ पढेपछि एकछिन नेपालमा रोकिन मान्दैनन् । कसरी हुन्छ विदेश जाने तरखर गर्छन् । अर्कोथरि कानून पढ्नेको धैर्यता पनि मान्नै पर्छ। हिजो औंलामा गन्न सकिने कानून पढ्नेहरू अहिले बजारमा छ्याप्छ्याप्ती छन् । तिनको व्यवस्थापन कसरी हुन्छ ? गम्भीर विषय छ । ल कलेजहरू बेरोजगार उत्पादन गर्ने कारखाना त बन्दै छैनन् ? त्यसो नहोस् । 

खैर ठीकै छ ! कालो कोट, सेतो शर्ट, चट्ट टाई र टल्कने कालो जुत्तामा ठाँटिएर ल कलेज जानु र आफन्त साथीभाइले वकिल सा'प भनेर बोलाइदिँदा मनको लड्डु घिउसँग खानुजस्तै हो ।

सायद सबै कानून पढ्नेहरूको दिनचर्या यस्तै चल्छ । 'मेरो मुद्दा फ्रीमा लड्दिनु है' भन्नेदेखि 'म अपराध गर्छु, मलाई बचाउनू है' भन्नेसम्मका कुरामै चित्त बुझाउनुपर्ने अवस्था छ । 

फलानोको छोरा/छोरी कानून पढ्छ, फलानो वकिल बन्दैछ भन्ने कुरादेखि कालाकोटेहरू दूधलाई पानी र पानीलाई दूध भन्न पछि पर्दैनन् भन्नेसम्म पनि चर्चा हुन्छ । 

देख्नेले भलै कोट भित्रको सेतो शर्टमा ध्यान नदेलान् तर, नजरअन्दाज पनि गर्दैनन् । झन् मैलो दाग लागेको शर्ट कालो कोटमा फिटिक्कै सुहाउँदैन। 

कालो कोट भित्रको सेतो शर्टबारे चर्चा गरौं । तिनलाई के थाहा कालो कोटभित्र एक संवेदनशील सेटो शर्ट पनि  छ। म त्यही सेतो शर्टबारे कुरा गर्दै छु, जुन शर्टले हाम्रो कानूनको क्षेत्रमा भविष्य निर्धारण गरेको छ । क्षेत्राधिकार राखेको छ । हदम्याद तोकेको छ । जसले हामीलाई अनुशासन र धैर्यताको कडीमा बाँधेको छ। 

सेतो शर्ट जसमा कुनै दाग लागेपछि मेटाउन बहुतै गाह्रो पर्छ। होसियार भएर पहिरिनु पर्छ । देख्नेले भलै कोटभित्रको सेतो शर्टमा ध्यान नदेलान् तर, नजरअन्दाज पनि गर्दैनन् । झन् मैलो दाग लागेको शर्ट त कालो कोटमा फिटिक्कै सुहाउँदैन। हो त्यहीँ सेतो शर्टजस्तै हो हामी कानून पढ्नेको भविष्य । जसमा दाग लाग्यो भने कानून पढ्नुको कुनै औचित्य नै रहँदैन । जसरी हदम्याद नाघि दर्ता गर्न अदालतमा मुद्दा ल्याइन्छ ।

सेतो शर्ट हाम्रो चरित्र हो। चरित्रमा लागेको दाग मेटाउन मुस्किल पर्छ। सेतो शर्टजस्तै हो हाम्रो व्यक्तित्व । जसरी शर्टलाई सफा राख्न प्रयत्न गर्छौं त्यसरी नै हामीले आफ्नो व्यक्तित्व विकास गर्नु पर्ने हुन्छ । स्वच्छ राख्नु पर्ने हुन्छ । प्रकृतिजस्तै निर्मल राख्नु पर्छ। स्वच्छ व्यक्तित्त्व, असल चरित्र, अनुशासन र धैर्यताविना लिएको कानूनी शिक्षा प्रयोजनरहित नै हुन्छ। 

कानूनका उपभोक्ताले रुचाउने खालको व्यक्तित्व विकास गर्नुपर्छ । तबमात्र कानून पढेकोमा सार्थकता हुन जान्छ। कानूनको अज्ञानता क्षम्य नभए झै कानून पढ्नेलाई पनि आफ्नो सेतो शर्टमा दाग लगाउन छुट हुँदैन । मैलो बनाउन र चरित्र धमिल्याउन पनि । जुनमा पनि दाग छ भनेर पन्छिन पनि मिल्दैन। यो एक संवेदनशील क्षेत्र हो । यस क्षेत्रमा संयमित हुनु अनिवार्य छ ।

hAMROPATRO BELOW NEWS
TATA Below
मंसिर १८, २०८०

(श्रीकुमारको रुकुम डायरीबाट...) बिहान पौने ६ बजेको छ । पश्चिम रुकुमको आठबीसकोट जहाँ त्रिपालमुनि हजारौं बेघरबारहरू आगोले जिउ सेकाउँदै जाडो सामना गरेर उज्यालोको प्रतीक्षामा छन् । आगो तापेर बसेका महिलाहरू...

फागुन ७, २०८०

कम्यूनिस्टहरूको चौघेराभित्र बाल्यकाल बिताएको भएर होला, सानै उमेरदेखि मैले कांग्रेस कार्यकर्तालाई कांग्रेसी भनेको सुनेको थिएँ । अलि होच्याएर, अलि नमीठो गरेर यी कांग्रेसीहरू भनेर सम्बोधन गर्ने गरेको.... । उमे...

माघ ७, २०७९

जाडो मौसममा दिन काट्न धेरैलाई गाह्रो हुन्छ । जाडोभन्दा गर्मी नै ठीक भन्नेहरू पनि धेरै भेटिन्छन् । हुन पनि कठ्यांग्रिने जाडो कसलाई मन पर्ला र ? तर पनि हाम्रा चाडपर्व र अवसरहरूले जाडोबाट जोगिन र शरीरलाई तताइरा...

बैशाख २२, २०८१

प्रत्येक वर्षको जन्मदिनले मलाई निजामती सेवाबाट निवृत्त भएको स्मरण गराउँछ । हुन पनि संयोगले भगवतीस्थान प्राथमिक विद्यालय तानसेनमा शिक्षकका रुपमा जीवनकै पहिलो जागिरमा प्रवेश गरेको दिन पनि यही दिन थियो । तथापि न...

जेठ २, २०८१

नेकपा (एकीकृत समाजवादी)ले यतिबेला आफ्नो अस्तित्वको लडाईँ लडिरहेको छ । मैले अस्तित्व भनेर पार्टीमाथि धावा बोलेको हो कि भन्ने पाठकलाई लाग्न सक्छ, तर नेकपा एस यतिबेला अस्तित्वको लडाईँमै छ । पार्टी स्थापना भएको करि...

भदौ ५, २०७८

आमाले मलाई ‘तलाई त मोटोघाटो राम्रो देखिन्छ’ भन्नुहुन्थ्यो । हजुर आमा बितेर जानुभयो, उहाँले पनि त्यस्तै भन्नुहुन्थ्यो । सानोमा म दुब्लो–पातलो नै थिए । मेरो नाति खान नपाएजस्तो ‘मरनच्यास...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x